VMRO – Popullore mbështet ndryshimet kushtetuese, tha sot deputeti i kësaj partie, Ljupço Balkoski, informon PRESSonline.al.
Ai bën të ditur se si parti insistojnë që amendamentet për ndryshimet të miratohen sa më shpejt në Kuvend.
-Në nivel koalicioni kemi insistuar që sa më parë të futen në rend dite në Kuvend, për të parë kush është kundër dhe kush pro. Me kalimin e propozimit francez dhe kornizës së negociatave, ne e dinim se deri në nëntor 2023 duhej t’i bënim ato ndryshime. Sa më shpejt të miratohen, aq më mirë do të jetë për vendin që të vazhdojë negociatat me BE-në dhe hapjen e kapitujve, tha Balkoski në një konferencë për media në Kuvend. / PRESSonline.al
