Bashkë me kreun e Aleancës për Shqiptarët, z. Arben Taravari, të shoqëruar nga funksionarë dhe anëtarë të shtabit lokal të Aleancës Kombëtare për Integrim në Komunën e Tearcës, zhvilluam një takim të ngrohtë e miqësor me banorët e fshatrave Tearcë dhe Dobrosht informon Tetovasot.
Në këtë takim ishte i pranishëm edhe kandidati ynë për Komunën e Tearcës, Nazim Taipi, i cili ndau me qytetarët vizionin dhe prioritetet e tij për zhvillimin e komunës. Biseduam hapur për nevojat dhe sfidat e përditshme të banorëve, nga infrastruktura e kanalizimet, tek përmirësimi i shërbimeve dhe mundësitë për zhvillim ekonomik e social.
Ky komunikim i drejtpërdrejtë me qytetarët është dëshmia më e mirë se politika e vërtetë bëhet me njerëzit dhe për njerëzit. Nazim Taipi mbetet i përkushtuar që Tearcës t’i japë një drejtim të ri, me menaxhim modern, me transparencë dhe me vizion europian.
