featured

Arbër Ademi, përfaqësues i BDI-së në grupin punues për ndryshime kushtetuese

Deputeti Arbër Ademi do të jetë përfaqësues i Bashkimit Demokratik për Integrim në grupin punues të Ministrisë së Drejtësisë për ndryshimet kushtetuese.
Sonte në mesnatë skadon afati që partitë dhe institucionet parlamentare të propozojnë përfaqësuesit e tyre në grupin punues për ndryshimet kushtetuese.

Ministria e Drejtësisë do të shpallë nesër përbërjen e grupit të punës për ndryshimet në Kushtetutë. Afati i dhënë nga Ministria e Drejtësisë institucioneve dhe partive politike në shkresën për të emëruar përfaqësuesin e tyre në grupin e punës skadon në mesnatë.

Sipas informacioneve të fundit, grupi i punës duhet të ketë nga gjashtë deri në tetë ekspertë. Partitë politike dhe institucione të caktuara tashmë kanë bërë të ditur emrat e personave që do t’i përfaqësojnë.

LSDM sot në një konferencë për media njoftoi se në grupin punues do të përfaqësohen nga Cvetanka Ivanova, sekretare aktuale e përgjithshme e Parlamentit dhe ish-deputete. Aleanca për Shqiptarët njoftoi se përfaqësues i partisë në grupin punues për ndryshime kushtetuese do të jetë deputeti Remzi Mehmedi. Sipas informacioneve edhe Lëvizja Besa ka nominuar përfaqësuesen e saj.

VMRO-DPMNE, Altenativa, Levica, Partia Socialiste e Maqedonisë dhe Lidhja Demokratike e Pavle Trajanovit kanë njoftuar se nuk do të marrin pjesë në grupin punues.
Në opinion janë bërë të ditur emrat e ekspertëve, por për momentin nuk ka informacion zyrtar se cili prej tyre do të jetë pjesë e këtij grupi punues. Nga Ministria e Drejtësisë thonë se nuk do të shpallin emra deri në skadimin e afatit, sonte në mesnatë.

Shkresës së Ministrisë së Drejtësisë i është përgjigjur i pari presidenti Stevo Pendarovski, i cili konfirmoi se përfaqësues i tij në grupin punues për ndryshimin e Kushtetutës do të jetë profesori i Fakultetit Juridik, Aleksandar Spasov, i cili është këshilltar i tij juridik, ndërsa zëvendëskryeministri për çështje evropiane, Bojan Mariçiq, tha se Sekretariati për Çështje Europiane do të marrë pjesë aktive në grupin punues. Edhe Ministria e Punëve të Jashtme duhet të emërojë ekspertët e saj në grupin e punës.(PRESSonline.al)

Arbër Ademi, përfaqësues i BDI-së në grupin punues për ndryshime kushtetuese

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!