Sekretari amerikan i Shtetit, Marco Rubio, dënoi deklaratat e liderit të Hezbollah, i cili bëri thirrje për rrëzimin e qeverisë së Liban.
Rubio akuzoi lëvizjen shiite të mbështetur nga Iran se po përpiqet “ta zhysë sërish Libanin në kaos dhe shkatërrim”, me qëllim ruajtjen e pushtetit përmes destabilizimit të vendit.
“Shtetet e Bashkuara dënojnë me forcë thirrjen e papërgjegjshme të Hezbollahut për rrëzimin e qeverisë së zgjedhur në mënyrë demokratike në Liban”, thuhet në deklaratën e Rubios.
Deklaratat vijnë pasi lideri i Hezbollahut, Naim Qassem, tha se populli ka të drejtë “të dalë në rrugë dhe të rrëzojë qeverinë”, duke akuzuar autoritetet libaneze se po bashkëpunojnë me një “plan izraelito-amerikan”.
Ai kundërshtoi gjithashtu negociatat e drejtpërdrejta mes Libanit dhe Izrael, të cilat pritet të vazhdojnë në Washington në fillim të qershorit.
Sipas Rubios, kërcënimet e Hezbollahut “nuk do të mbeten pa përgjigje”, ndërsa shtoi se “epoka kur një organizatë terroriste mbante peng një vend të tërë po shkon drejt fundit”.
