Pamja e Donald Trump ka tërhequr sërish vëmendjen e rrjeteve sociale. Presidenti amerikan u shfaq gjatë fundjavës në New Jersey me flokë dukshëm më të errët se zakonisht, duke nxitur menjëherë reagime, batuta dhe spekulime në internet.
Ngjyra e re e flokëve u bë shpejt temë diskutimi, me pyetjen “çfarë ndodhi me flokët e Trump?”
Avokati George Conway, i njohur për kritikat e tij të forta ndaj Trump, bëri një referencë humoristike ndaj Amendamentit të 25-të të Kushtetutës së SHBA-së, i cili ka të bëjë me shkarkimin e një presidenti nga detyra ose transferimin e kompetencave presidenciale.
Ish-kongresmeni republikan Adam Kinzinger komentoi pamjen e Trump me frazën: “Duhet të jesh duke bërë shaka me mua.”
Nga ana e saj, gazetarja Molly Jong-Fast komentoi: “Trump tani është brun”.
Diskutimet rreth pamjes së Trump u intensifikuan edhe më shumë pas paraqitjes së tij në një fushë golfi me prezantuesin e Fox News, Brett Baier.
Presidenti amerikan mbante një kapelë të kuqe me fjalët “Trump kishte të drejtë për gjithçka”, duke i mbuluar kryesisht flokët. Kjo zgjedhje nxiti më tej spekulimet rreth pamjes së tij të re.
Në muajt e fundit, kanë dalë raportime se Trump ka ndaluar së lyeri flokët e tij me ngjyrën e tyre karakteristike të verdhë të artë.
