04 Tetor 2025, 05:44
Presidenti i Shteteve të Bashkuara të Amerikës Donald Trump i ka dhënë Hamasit një afat të prerë për të pranuar planin për paqe të hartuar nga SHBA-ja për Gazën.
Me anë të një postimi në rrjetin e tij Truth Social, Trump paralajmëron pasoja të ashpra nëse nuk pranohet një marrëveshje për t’i dhënë fund luftës në Gaza deri të dielën në ora 18:00, sipas orës lokale të Uashingtonit.
“Një marrëveshje me Hamasin duhet të arrihet deri të dielën në mbrëmje në orën GJASHTË (6) pasdite, me orën e Uashingtonit, D.C. Çdo shtet e ka nënshkruar! Nëse kjo marrëveshje e fundit nuk arrihet, do të shpërthejë ferri siç askush nuk e ka parë më parë kundër Hamasit. DO TË KETË PAQE NË LINDJEN E MESME, NË NJË MËNYRË APO TJETRËN”, shkruan ai.
/vizionplus.tv
