featured

Orteku në Alpet Franceze u merr jetën gjashtë personave

Numri i të vdekurve nga orteku i së dielës në Alpet Franceze u rrit në gjashtë, përfshirë dy udhërrëfyes malorë, thanë autoritetet lokale të hënën.

Zyra e prokurorit në Bonneville, në rajonin Haute-Savoie, tha se trupi i një personi të gjashtë është gjetur pasi kërkimet rifilluan të hënën në mëngjes.

Prefektura e Haute-Savoie tha se një person u dërgua në spital me lëndime të lehta dhe tetë persona të tjerë u gjetën në gjendje të mirë shëndetësore.

Orteku ra nga akullnaja Armancette në Contamines-Montjoie, në rajonin Haute-Savoie, rreth 30 kilometra në jugperëndim të Chamonix.

Alpet janë një vend kryesor pushimesh gjatë fundjavës së gjatë të Pashkëve në Francë. Stacioni lokal i radios France-Bleu tha se madhësia e ortekut ishte 1000 metra i gjatë dhe 100 metra i gjerë.

Agjencia kombëtare e motit, Meteo France, nuk kishte lëshuar një paralajmërim specifik për ortekët për të dielën, duke e vlerësuar rrezikun si “të kufizuar”.


Top Channel

Orteku në Alpet Franceze u merr jetën gjashtë personave
Giriş Yap

Press Online ayrıcalıklarından yararlanmak için hemen giriş yapın veya hesap oluşturun, üstelik tamamen ücretsiz!