Autori i vrasjes së gjyqtarit Astrit Kalaja, Elvis Shkambi ka pranuar aktin e rëndë.
Bëhet me dije se Shkambi pas ngjarjes nga vendi i ngjarjes nuk është larguar dhe kur ka mbërritur policia është shprehur se ai është autori.
“Unë jam autori”, mësohet se u ka thënë efektivëve të policisë kur kanë mbërritur në vendin e ngjarjes.
Autori mësohet se ka përdorur një armë tip pistoletë “Bereta”.
Ai ka hapur zjarr në momentin kur gjyqtari ka qenë duke dhënë vendimin në sallë gjyqsore. Nga të shtënat u qëllua për vdekje gjyqtari ndërsa të plagosur lehtë kanë mbetur edhe dy persona të tjerë. Të plagosurit janë babë e bir ndërsa po mbahen nën kujdesin e mjekëve jashtë rrezikut për jetën.
“E qëllova sepse po humbisja një gjyq. Isha korrekt me letrat e mia”, ka dëshmuar ai në Komisariatin Numër 1.
