Kurorëzimi i trashëgimtarit të “Givenchy”, Sean Taffin dhe të dashurës së tij nga universiteti, Dahye Jung, shkëlqeu me elegancë dhe luks. Çifti, të dy në fund të të 20-ave, u martuan në gusht në Paris, në një ngjarje që tashmë është quajtur “kurorëzimi i vitit”. Së fundmi, ata ndanë për herë të parë detaje dhe fotografi nga ceremonia.
Ceremonia katolike u mbajt në Bazilikën Sainte-Clotilde dhe u krye nga Marc Lambret. Para shumë anëtarëve të familjes, nusja u shfaq në altar me një fustan nga dizajneri Andrew Kwon, me një vello të gjatë si katedralja, të kombinuar me këpucë krem nga marka “Manolo Campari”. Vëllezërit e Sean-it, Lucas dhe Matthew de Givenchy, ishin kumbarët, ndërsa të pranishëm ishin edhe xhaxhai i Sean-it, dizajneri amerikan i bizhuterive James Taffin, si dhe e afërmja Stella de Givenchy. Babai i Sean-it, Hubert Taffin de Givenchy, ndërroi jetë në 2016 dhe Sean-i mori emrin e tij nga xhaxhai Hubert de Givenchy. Kurorëzimi ishte kulmi i një festë tre-ditore, e cila nisi me një darkë në restorantin luksoz ‘La Fontaine Gaillon’. Ditën e ardhshme, mysafirët morën pjesë në hotelin ‘Le 5 Particulier’, ku u argëtuan dhe shijuan ëmbëlsira. Pas ceremonisë, festimet vazhduan në Le Pavillon Dauphine St Clair.
Megjithëse familja e Sean-it është e lidhur me një emër të njohur mode, Dahye zgjodhi të vishej me fustan të dizajnerit Andrew Kwon.
Çifti u njoh në vitin 2018, gjatë studimeve në Universitetin McGill në Montreal. Sean tregoi se e kishte vënë re Dahye-n kur ajo po bënte vullnetarizëm në një ngjarje, por nuk kishte guxim t’i afrohej menjëherë. Miqtë e inkurajuan dhe më pas ata u fejuan në New York. Megjithëse ceremonia kryesore u zhvillua në Paris, qyteti ku Sean u rrit, çifti kishte edhe një ceremoni civile në New York në shkurt.
