08 Gusht 2024, 15:55
Bashkatdhetarët që po kthehen në vendet e Evropës Perëndimore, pas pushimeve në Kosovë, po përballen me pritje të gjata në vendkalimet kufitare me Serbinë.
Në raportin e Qendrës Kombëtare për Menaxhimin Kufitar të mëngjesit të sotëm (ora 11:14), bëhet e ditur se në vendkalimin kufitare në Merdar dhe te Dheu i Bardhë janë krijuar kolona të gjata të automjeteve, ku bashkatdhetarët po presin deri në dy orë për të dalë nga Kosova.
Kolona e pritjes te Dheu i Bardhë është mbi një kilometër, ndërsa në Merdar 800 metra.
Në pikat e tjera nuk ka fluks të madh dhe pritja është 5-10 minuta.
