“Të gjithë e keni vënë re se kohët e fundit po dominojnë turistët turq në Shkup. Dhe kjo nuk është më vetëm përshtypje këtë e tregojnë edhe statistikat e turizmit”, Fazile Halili, Gazetare.
Turistët që takuam në Shkup thonë se qyteti i ka tërhequr me monumentet, kulturën, ushqimin dhe mikpritjen. Disa prej tyre për një qëndrim disa ditor kanë shpenzuar rreth 200 euro, ndërsa të tjerë thonë se pjesën më të madhe të parave e kanë shpenzuar për ushqim dhe suvenire.
-Ne kemi shpenzuar… vetëm sa kemi ardhur sot, do të thosha rreth 100 euro.
-Prej nga jeni?
-Jetoj në SHBA por jam turko-amerikan.
-Italia.
-Sa shpesh vini në Shkup, është hera e parë?
-Po kjo është hera e parë, ne me të vërtetë po e shijojmë vendin, njerëzit janë shumë të mirë, vendi është shumë i bukur. Ne do të shkojmë në kanionin e Matkës. Ne do t’i vizitojmë monumentet më të rëndësishme dhe muzetë.
-Sa para keni shpenzuar?
-Rreth 200 euro, 3 ditë të plota.
-Është e përzier në mes muslimanëve dhe kulturës katolike. Çdo herë vizitoj vende të reja, të mësoj ndonjë gjë të re rreth kulturës, ushqimit.
-Sa para po shpenzoni?
-Para?!
-Jo shumë, shumica e parave shkojnë në suvenire, dhe ushqim. Rreth 4 mijë para maqedonase, denarë, për rreth 1 ditë e gjysmë.
Nga ministria e kulturës kumtuan se vetëm në shtatë muajt e parë të vitit, Maqedoninë e Veriut e kanë vizituar gjithsej 741 mijë e 446 turistë, ndërsa statistikat tregojnë rritje të numrit të turistëve të huaj.
“Lëvizjet pozitive në sektorin e turizmit paraqesin nxitje për vazhdimin e aktiviteteve për zhvillimin e tij të qëndrueshëm dhe zhvillimin e ofertës turistike. Në shtatë muajt e parë të vitit 2026, Maqedoninë e kanë vizituar gjithsej 741.446 turistë, ndërsa është shënuar rritje e numrit të turistëve të huaj. Ndër mysafirët e huaj më të shumtë janë turistët nga Turqia, Gjermania, Serbia, Rumania dhe Shqipëria”, tha Ministria e Kulturës.
Ministria e Kulturës dhe Turizmit thekson rëndësinë e promovimit të vazhdueshëm të Maqedonisë së Veriut, përmirësimit të shërbimeve dhe përdorimit të inteligjencës artificiale e digjitalizimit për zhvillimin e një turizmi më modern, të qëndrueshëm dhe konkurrues.
