Kylie Jenner u ka dhënë fansave një pamje më të detajuar të një prej projekteve të saj më të mëdha të pasurive të paluajtshme, por rezidenca që ajo e bleu gjashtë vite më parë ende nuk është përfunduar.
Sipërmarrësja 29-vjeçare bleu pronën në Calabasas në vitin 2020 për 15 milionë dollarë, ndërsa aktualisht vazhdon të jetë në proces ndërtimi.
Në një video gjashtëminutëshe të publikuar në YouTube, Jenner tregoi përparimin e punimeve në rezidencë.
Do të shkoj në kantierin tim të ndërtimit. Kam ndërtuar një shtëpi për rreth gjashtë vjet. E bleva pronën në vitin 2020
-tha ajo, teksa u tregoi ndjekësve disa prej hapësirave dhe detajeve të projektit.
Jenner e ka përshkruar pronën si “shtëpinë time të bukur të ëndrrave italiane”, ndërsa dizajni përfshin elemente me frymë mesdhetare, si kalldrëm i ricikluar, pemë ulliri dhe livando.
Për projektin e peizazhit ajo ka angazhuar Jim Hyatt, ndërsa hyrja e rezidencës është rrethuar me pemë ulliri.
Sipas një raportimi të mëparshëm, Jenner kishte shpenzuar rreth 500 mijë dollarë për pemët e ullirit. Disa prej tyre, megjithatë, i mori nga motra e saj, Kendall Jenner, e cila po kryente punime në një prej pronave të saj.
Jo vetëm që janë kaq të bukura, por më kujtojnë motrën time
-tha Kylie.
Pavarësisht viteve të punimeve, Jenner ende nuk është zhvendosur në rezidencë. Ajo vazhdon të publikojë herë pas here pamje nga procesi i ndërtimit, ndërsa duket se projekti mbetet një punë në zhvillim.
Në videon e fundit, Jenner shfaqi edhe disa prej zgjedhjeve të saj për interierin, duke u dhënë fansave një ide më të qartë se si pritet të duket shtëpia kur të përfundojë.
