Presidenti ukrainas Volodymyr Zelensky deklaroi se Ukraina zotëron vetëm rreth 1% të raketave interceptuese Patriot që i nevojiten urgjentisht për t’u mbrojtur nga sulmet ruse me raketa balistike. Ai tha se nëse SHBA-ja do t’i jepte Ukrainës 5% të rezervave të saj, Kievi do të mund të përballonte dimrin dhe të shpëtonte jetë, ndërsa 10% do të mjaftonin për të interceptuar të gjitha raketat balistike ruse.
🇺🇦 🇺🇸 🇷🇺 Zelensky’s clear message to the US: Selling us 5% of your missile stocks will get us through this winter.
Zelensky (CNN interview): If they sell us 5%, we will go through the winter and save lives. If they can sell us 10%, we will destroy ALL Russian ballistic missiles.… pic.twitter.com/gB9StjcEKY— Burak Keskin (@Burak_Keskin85) August 13, 2026
Zelensky tha në një intervistë për CNN se sulmet ruse me raketa balistike janë rritur ndjeshëm dhe tashmë ndodhin pothuajse çdo ditë. Sipas tij, Ukraina ka këtë vit dy herë e gjysmë më pak raketa interceptuese se në vitin 2025, ndërsa Rusia po përdor dy herë më shumë raketa balistike çdo muaj.
Presidenti ukrainas tha se po zhvillon bisedime të vazhdueshme me SHBA-në dhe aleatët për të siguruar më shumë sisteme Patriot, ndërsa pranoi se ende nuk ka garanci për realizimin e planit për prodhimin e këtyre raketave në Ukrainë.
Zelensky theksoi gjithashtu se Kievi kërkon përfshirje më të madhe të SHBA-së në procesin e paqes, duke deklaruar se Vladimir Putin nuk ka treguar gatishmëri për t’i dhënë fund luftës.
