Kryeministri i Shqipërisë, Edi Rama, ka reaguar përmes platformës X pas zhvillimeve të fundit politike në Hungari.
Rama u shpreh se ka qenë kënaqësi të bashkëpunojë me Viktor Orbán, duke theksuar afrimin e marrëdhënieve mes Shqipërisë dhe Hungarisë gjatë kohës së tij në detyrë.
“Ka qenë kënaqësi të punoj me kryeministrin Orbán dhe të shoh Shqipërinë dhe Hungarinë të afrohen gjithnjë e më shumë. I uroj mikut tim Viktor gjithë të mirat në këtë kapitull të ri të jetës së tij”, shkroi Rama.
Njëkohësisht, ai përgëzoi Péter Magyar për fitoren në zgjedhje, duke e cilësuar atë si një sukses mbresëlënës.
“Përgëzoj ngrohtësisht Péter Magyar për fitoren e tij të vërtetë mbresëlënëse. I uroj kryeministrit të ri të Hungarisë suksese në përpjekjen e tij për të hapur një kapitull të ri për vendin dhe pres me padurim të punojmë së bashku për të afruar edhe më shumë dy vendet tona”, shtoi Rama.
/vizionplus.tv
It has been a pleasure to work with Prime Minister Orbán and to witness Albania and Hungary grow closer. I wish my good friend Viktor all the very best in this new chapter of his life.
At the same time, I warmly congratulate Peter Magyar on his truly impressive victory. I wish…
— Edi Rama (@ediramaal) April 13, 2026
