Close Menu
Press OnlinePress Online
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Më të rejat

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

20 Nëntor 2026

Sulejmani dhe ambasadori i Kosovës, Qehaja, në manifestimin për Ditën e Alfabetit Shqip në Butel: Gjuha shqipe është një nga vlerat më të çmuara të identitetit tonë

20 Nëntor 2026

Klekovski: Kemi nevojë për një sistem më të organizuar dhe me përgjegjësi të qarta

20 Nëntor 2026
Press OnlinePress Online
  • IMPRESUM
  • MARKETING
  • KONTAKT
24.2° C Shkup ▼
Facebook Instagram YouTube TikTok
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Press OnlinePress Online

Rusia bombardon Ukrainën mes bisedimeve tripalëshe me SHBA-në për t’i dhënë fund luftës

Press Online24 Janar 2026 GLOBI
Facebook LinkedIn WhatsApp Email Twitter Copy Link

Rusia ka kryer sulme me dronë dhe raketa kundër Ukrainës gjatë natës, duke e vrarë një person dhe duke i plagosur 23 të tjerë, pavarësisht bisedimeve tripalëshe me Shtetet e Bashkuara që janë duke u zhvilluar për përfundimin e luftës.

Delegacione nga Rusia, Ukraina dhe SHBA-ja u mblodhën të premten në Abu Dabi në bisedimet e para tripalëshe qëkurse Kremlini e nisi pushtimin e plotë të vendit fqinj në vitin 2022.

Ministri i Jashtëm i Ukrainës, Andrii Sybiha, e akuzoi të shtunën presidentin e Rusisë, Vladimir Putin, se urdhëroi në mënyrë “cinike” sulme me raketa, ndërkohë që bisedimet mes palëve po vazhdonin në Abu Dabi.

“Ky sulm barbar edhe një herë dëshmon se vendi i Putinit nuk është në tryezën e paqes, por në bankën e të akuzuarve të një tribunali special”, shkroi Sybiha në platformën X.

Në shënjestër të sulmeve të Rusisë gjatë natës mes të premtes dhe të shtunës ishin dy qytetet më të mëdha të Ukrainës, Kievi dhe Harkivi, ku u vra një person dhe u plagosën të paktën 23 të tjetër.

Forcat Ajrore të Ukrainës thanë se Rusia kishte lëshuar 375 dronë dhe 21 raketa në këto sulme, të cilat edhe një herë kishin në shënjestër infrastrukturën energjetike, duke ndërprerë energjinë elektrike dhe ngrohjen për pjesë të mëdha të kryeqytetit.

Presidenti i Ukrainës, Volodymyr Zelensky, tha të premten se është ende herët për të nxjerrë përfundime nga dita e parë e takimeve në Abu Dabi dhe i bëri thirrje Rusisë të tregojë se është e gatshme t’i japë fund luftës.

Bisedimet pritej të rifillonin të shtunën në mëngjes.

Përpara bisedimeve, zëdhënësi i Kremlinit, Dmitry Peskov, tha të premten se Rusia nuk ka hequr dorë nga këmbëngulja që Ukraina ta dorëzonte të gjithë zonën lindore të Donbasit – zemrën industriale të Ukrainës – që përfshin rajonet e Donjeckut dhe Luhanskut.

Kërkesa e presidentit rus që Ukraina ta dorëzojë 20 për qind të territorit të Donjeckut që ende e mban nën kontroll – rreth 5.000 kilometra katrorë – ka dalë të jetë pengesë e madhe për çdo marrëveshje.

Zelensky nuk pranon të heqë dorë nga toka që Rusia nuk ka arritur ta pushtojë në katër vjet lufte rraskapitëse dhe shkatërruese.

Sondazhet tregojnë se ka pak gatishmëri mes ukrainasve për lëshime territoriale.

Rusia thotë se dëshiron zgjidhje diplomatike, por do të vazhdojë të punojë për arritjen e qëllimeve të saj me mjete ushtarake, për aq kohë sa zgjidhja përmes bisedimeve mbetet e paarritshme.

Para sulmeve të së shtunës, Kievi kishte përjetuar tashmë dy sulme masive gjatë natës që nga fillimi i Vitit të Ri, të cilat kishin ndërprerë energjinë elektrike dhe ngrohjen për qindra ndërtesa banimi.

Zëvendëskryeministri i Ukrainës tha të shtunën se 800.000 njerëz në Kiev – ku temperaturat ishin rreth -10 gradë Celsius – kishin mbetur pa energji elektrike pas sulmit të fundit rus./REL

Previous ArticleSuperliga e Basketbollit të Kosovës vazhdon me përballje interesante të javës së 17-të
Next Article Aksioni i djeshëm për falsifikimin e rezultateve zgjedhore, policia jep detaje

Lajme të ngjashme

Hungaria pritet të heqë veton, Ukrainës i hapet rruga drejt BE-së

20 Nëntor 2026 GLOBI

BE-ja dhe BM-ja bien dakord për një plan bashkëpunimi më të ngushtë

20 Nëntor 2026 GLOBI

SHBA – Kreu i sigurisë kibernetike largohet nga detyra pas problemeve teknike

20 Nëntor 2026 GLOBI

Gjermani – Mijëra të rinj në protesta kundër kostos së lartë të jetesës dhe shërbimit të detyrueshëm ushtarak

20 Nëntor 2026 GLOBI

Kushner takohet me kancelarin Merz në Berlin: Po përgatitemi për raundin e ardhshëm të negociatave!

19 Nëntor 2026 GLOBI

Sulmet ruse në Kiev, dëmtohen ambasadat e Holandës dhe Austrisë! Ministri i Jashtëm ukrainas: Putin është terrorist, duhet trajtuar si i tillë!

19 Nëntor 2026 GLOBI
Lajmet e fundit

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

Press Online20 Nëntor 2026 MAQEDONI

Në palestrën sportive “Shaban Tërstena” në Çair, sot nisi Universiada Mbarëkombëtare “Çair…

Sulejmani dhe ambasadori i Kosovës, Qehaja, në manifestimin për Ditën e Alfabetit Shqip në Butel: Gjuha shqipe është një nga vlerat më të çmuara të identitetit tonë

Press Online20 Nëntor 2026 MAQEDONI

Zëvendësministri i Arsimit dhe Shkencës, Driton Sulejmani, së bashku me Ambasadorin e…

Klekovski: Kemi nevojë për një sistem më të organizuar dhe me përgjegjësi të qarta

Press Online20 Nëntor 2026 MAQEDONI

Ministri i Shëndetësisë Sasho Klekovski njoftoi se së bashku me përfaqësuesin e…

UNICEF: Potenciali i çdo fëmije është më i rëndësishëm se kurrë

Press Online20 Nëntor 2026 MAQEDONI

Maqedonia e Veriut po përballet me momentin e vet të vendimmarrjes –…

Pse emocioni e mbyt logjikën?!

Press Online20 Nëntor 2026 OPINIONE

Shkruan: BEN ANDONI Pa nisur ende Asambleja e PS-së dhe, ku askush…

© 2018 - 2026 PressOnline.al
  • IMPRESUM
  • MARKETING
  • KONTAKT

Type above and press Enter to search. Press Esc to cancel.