Sot moti do të jetë me vranësira të ndryshueshme, më freskët dhe me erë, por edhe me periudha me diell. Do të fryjë erë veriore mesatare, herë pas here e përforcuar, me shpejtësi mbi 60 kilometra në orë. Në fund të ditës vranësirat do të reduktohen, njofton Drejtoria për Punë Hidrometeorologjike.
Temperatura minimale do të lëvizë nga 8 deri në 17 gradë, ndërsa ajo maksimale nga 21 deri në 29 gradë.
Në Shkup, moti do të jetë me vranësira të ndryshueshme dhe periudha me diell. Do të fryjë erë mesatare veriore, e cila lokalisht në disa pjesë të luginës do të jetë më e fortë. Në fund të ditës vranësirat do të pakësohen. Temperatura minimale do të zbresë deri në 16 gradë, ndërsa ajo maksimale do të arrijë deri në 26 gradë, informon PressOnline.al
Sipas DPHM-së, të enjten moti do të jetë më freskët dhe me erë. Do të fryjë erë veriore mesatare deri e përforcuar, lokalisht mbi 60 kilometra në orë. Në ditët në vijim do të mbizotërojë mot me diell dhe mëngjese të freskëta, ndërsa temperaturat ditore gradualisht do të rriten.
