Kryetari i Partisë Demokratike, Sali Berisha, ka zhvilluar një takim me shqiptarët në Shtetet e Bashkuara të Amerikës, ku ka vlerësuar rolin e diasporës shqiptare në historinë dhe zhvillimet politike të vendit.
Duke iu referuar vizitës së tij të parë në SHBA në mars të vitit 1991, Berisha tha se diaspora shqiptare në Amerikë ka qenë një mbështetje e rëndësishme për përmbysjen e komunizmit në Shqipëri dhe për çështjen e Kosovës.
Berisha: Me të njëjtin besim që kam patur në mars të vitit 1991 në udhëtimin tim të parë në këtë vend të bekuar. Ai ishte një udhëtim më emocionali në jetën time. Emocionet vërshonin nga kënaqësia se unë po udhëtoja në drejtimin e duhur, pas dekadash që vendi im kishte humbur drejtimin. Kënaqësia ime e jashtëzakonshme ishte se po takoja ju, zërin e pamposhtur i shqiptarëve në liri. Ndaj dhe unë sot, e konsideroj vizitën time tek ju, te pasardhësit e atyre, si një dhuratë të vyer. Fati i madh imi se takova atë plejadë të diasporës shqiptare e cila me atdhetarinë e saj, me idealet demokratike, me idealet kombëtare, dha një kontribut të jashtëzakonshëm në përmbysjen e diktaturës komuniste në Shqipëri dhe luftoi me të gjitha mjetet për lirinë e Kosovës. Diaspora shqiptare në Shtetet e Bashkuara është fati i bardhë, fati i mirë i kombit shqiptar.
/vizionplus.tv
