Ministri i Jashtëm i Iranit, Abbas Aragçi, ka deklaruar se siguria e Egjiptit është me “rëndësi të jashtëzakonshme” për Teheranin, pas sulmit me dron ndaj portit të Damietës, i cili ka rritur shqetësimet për përhapjen e mëtejshme të konfliktit në Lindjen e Mesme.
“Egjipti është një mik dhe partner i rëndësishëm në rajon. Siguria e tij është me rëndësi të jashtëzakonshme për ne”, u shpreh Aragçi në një postim në platformën X.
Në të njëjtën kohë, ai theksoi nevojën për të qenë vigjilentë ndaj “planeve izraelite dhe operacioneve mashtruese që synojnë minimin e paqes rajonale”.
تُعدُّ مصر صديقًا وشريكًا مهمًا في المنطقة، ويُشكّل أمنُها أهميةً قصوى بالنسبة لنا.
يجب علينا جميعًا أن نكون يقظين تجاه المخططات الإسرائيلية وعمليات “العَلَم الزائف” التي تهدف إلى تقويض السلام الإقليمي.
إن التهديد واضح، ومشترك، ويخشَى تضامن المسلمين.— Seyed Abbas Araghchi (@araghchi) July 30, 2026
Qeveria egjiptiane konfirmoi se zjarri i rënë të mërkurën në dy anije-cisternë për transportin e gazit natyror të lëngshëm (LNG) në portin e Damietës ishte shkaktuar nga një sulm me dron.
Megjithatë, autorësia e sulmit ende nuk është përcaktuar.
Rebelët Huthi të Jemenit deklaruan se nuk kanë përgjegjësi për këtë sulm, duke theksuar se objektivat e tyre lidhen vetëm me Arabinë Saudite.
