Videlotaria Casinos Austria edhe këtë vit e konfirmon përkushtimin e saj ndaj të rinjve dhe sportit, përmes mbështetjes së edicionit të pestë jubilar “Lojërave Sportive Veles 2026”, një nga manifestimet më të rëndësishme sportive rinore në vend.
Nga 1 deri më 6 qershor, Parku i Qytetit në Veles përsëri do të jetë qendra e sportit, shoqërimit dhe energjisë pozitive. Edicioni i këtij viti sjell shifra rekord dhe pritshmëri të mëdha: më shumë se 700 garues, mbi 100 pjesëmarrës të huaj, si dhe një ekip futbolli nga Turqia që do të garojë në disiplinën futboll i vogël.
Një risi veçanërisht e rëndësishme këtë vit është futja e kategorisë së futbollit të femrave, e cila që para fillimit të lojërave e ka mbushur kapacitetin e parashikuar me gjashtë ekipe, duke konfirmuar interesin në rritje të vajzave për pjesëmarrje aktive në sport.
Organizatorët e këtij manifestimi sportiv rinor kanë shprehur mirënjohje ndaj Videlotarisë Casinos Austria për mbështetjen e vazhdueshme në realizimin e kësaj historie të suksesshme sportive.
Hapja solemne e “Lojërave Sportive Veles 2026” është caktuar për më 1 qershor në ora 20:00, ndërsa vizitorët do të kenë mundësi të shijojnë edhe disa surpriza speciale të përgatitura nga organizatorët.
Kryetari i komunës Marko Kolle dhe organizatorët kanë bërë thirrje të përbashkët për të gjithë qytetarët e Velesit dhe dashamirësit e sportit nga e gjithë Maqedonia që të bëhen pjesë e këtij spektakli sportiv, i cili tashmë e ka tejkaluar kornizën e një gare të zakonshme dhe është shndërruar në një ngjarje që bashkon të rinjtë, sportin, publikun dhe komunitetin.
Si një kompani moderne dhe shoqërisht e përgjegjshme, Videlotaria Casinos Austria mbetet e përkushtuar ndaj mbështetjes së sportit dhe talenteve të reja. Nën sloganin “Luaj me më të mirët”, kompania investon vazhdimisht në projekte nga fusha e sportit, arsimit, kulturës dhe shëndetësisë, duke krijuar mundësi për zhvillimin e brezave të rinj të qytetarëve të suksesshëm dhe të përgjegjshëm.
