Close Menu
Press OnlinePress Online
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Më të rejat

Nga dhjetori kamerat e sistemit „Safe City“ do të dënojnë edhe parkimin dhe ndalimin e parregullt

21 Nëntor 2026

Sejdiu: Problemi nuk janë anëtarët e BDI-së, por një udhëheqësi që nuk po e kupton se koha e saj ka kaluar

20 Nëntor 2026

Dimovski: Nuk do të ketë zgjedhje, koalicioni qeveritar është stabil

20 Nëntor 2026
Press OnlinePress Online
  • IMPRESUM
  • MARKETING
  • KONTAKT
24.2° C Shkup ▼
Facebook Instagram YouTube TikTok
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Press OnlinePress Online

Reshjet ekstreme të borës marrin dhjetëra jetë njerëzish në Japoni

Press Online8 Shkurt 2026 GLOBI
Facebook LinkedIn WhatsApp Email Twitter Copy Link

Dhjetëra persona kanë humbur jetën në Japoni si pasojë e reshjeve rekord të borës që kanë mbuluar rajonet veriore të vendit, ndërsa autoritetet paralajmërojnë se rritja e temperaturave mund të sjellë rreziqe të reja dhe aksidente të tjera.

Sipas autoriteteve japoneze, që nga 20 janari janë shënuar të paktën 35 viktima nga incidente të lidhura me borën në mbarë vendin, ndërsa rreth 400 persona janë lënduar, 126 prej tyre rëndë. Shumica e viktimave kanë humbur jetën pasi kanë rrëshqitur ose kanë rënë gjatë pastrimit të borës nga çatitë apo ambientet përreth shtëpive të tyre, shkruan The Guardian, transmeton Dukagjini.

Kushtet e rrezikshme kanë prekur edhe shtetas të huaj.

Të mërkurën, një 27-vjeçar nga Melburni i Australisë, Michael Hurst, humbi jetën pasi u rrëzua gjatë skijimit në resortin Niseko, në ishullin verior të Hokkaidos, ku edhe punonte.

Vdekja e tij erdhi vetëm pak ditë pasi një 22-vjeçare nga Queenslandi, Brooke Day, vdiq në një resort skijimi në prefekturën Nagano, pasi çanta e shpinës iu kap në ashensorin e skive dhe ajo mbeti e varur në ajër.

Shumica e incidenteve të raportuara gjatë dy javëve të fundit kanë ndodhur në zonat pranë Detit të Japonisë, të cilat po përballen me reshje jashtëzakonisht të dendura bore, të shkaktuara nga masa ajrore të ftohta që vijnë nga Arktiku.

Këtë dimër, situata ka shkaktuar kaos në 15 nga 47 prefekturat e Japonisë, me trashësi bore që në disa zona ka arritur deri në dy metra. Si pasojë, mbi 1,700 shtëpi kanë mbetur pa energji elektrike në prefekturën Aomori, ndërsa janë anuluar linja të trenave lokalë dhe atyre me shpejtësi të lartë.

Guvernatori i Aomorit, Soichiro Miyashita, ka deklaruar se automjetet emergjente po hasin vështirësi serioze për të arritur te personat në nevojë, duke detyruar ekipet e shpëtimit që në disa raste të lëvizin në këmbë, duke bartur barela.

“Presim që disa rrugë të bllokohen plotësisht, prandaj jemi në koordinim me shërbimet emergjente për të siguruar qasje për ambulanca dhe zjarrfikës,” ka thënë Miyashita.

Vetëm në prefekturën Niigata janë raportuar 12 vdekje të lidhura me borën, përfshirë një burrë që u gjet i rrëzuar në çatinë e shtëpisë së tij dhe një 70-vjeçar që dyshohet se ka humbur jetën pasi ra nga çatia gjatë pastrimit të borës.

Megjithëse në disa zona parashikohen reshje të tjera bore gjatë fundjavës, autoritetet u kanë bërë thirrje qytetarëve të tregojnë kujdes të shtuar, pasi shkrirja e borës rrit rrezikun e ortekëve dhe e bën terrenin jashtëzakonisht të rrëshqitshëm.

Zëdhënësi kryesor i qeverisë japoneze, Minoru Kihara, ka apeluar për masa sigurie, duke këshilluar përdorimin e helmetave dhe litarëve mbrojtës gjatë pastrimit të borës.

Sipas të dhënave zyrtare, aksidentet dhe vdekjet nga bora nuk janë të rralla në Japoni – vetëm vitin e kaluar, 68 persona humbën jetën gjatë një periudhe gjashtëmujore dimërore.

Previous ArticleSuperliga vazhdon me ndeshjet e xhiros së 19-të: Luhet në Gjilan dhe Malishevë
Next Article “Mbretëresha e Parisit”, Distria Krasniqi me medaljen e nëntë në Grand Slam – katër të arta

Lajme të ngjashme

Hungaria pritet të heqë veton, Ukrainës i hapet rruga drejt BE-së

20 Nëntor 2026 GLOBI

BE-ja dhe BM-ja bien dakord për një plan bashkëpunimi më të ngushtë

20 Nëntor 2026 GLOBI

SHBA – Kreu i sigurisë kibernetike largohet nga detyra pas problemeve teknike

20 Nëntor 2026 GLOBI

Gjermani – Mijëra të rinj në protesta kundër kostos së lartë të jetesës dhe shërbimit të detyrueshëm ushtarak

20 Nëntor 2026 GLOBI

Kushner takohet me kancelarin Merz në Berlin: Po përgatitemi për raundin e ardhshëm të negociatave!

19 Nëntor 2026 GLOBI

Sulmet ruse në Kiev, dëmtohen ambasadat e Holandës dhe Austrisë! Ministri i Jashtëm ukrainas: Putin është terrorist, duhet trajtuar si i tillë!

19 Nëntor 2026 GLOBI
Lajmet e fundit

Nga dhjetori kamerat e sistemit „Safe City“ do të dënojnë edhe parkimin dhe ndalimin e parregullt

Press Online21 Nëntor 2026 MAQEDONI

Nga fillimi i dhjetorit, sistemi i sofistikuar i videokontrollit „Qyteti i Sigurt“…

Sejdiu: Problemi nuk janë anëtarët e BDI-së, por një udhëheqësi që nuk po e kupton se koha e saj ka kaluar

Press Online20 Nëntor 2026 MAQEDONI

Kryetari i Komunës së Zhelinës nga radhët e VLEN-it, Blerim Sejdiu, ka…

Dimovski: Nuk do të ketë zgjedhje, koalicioni qeveritar është stabil

Press Online20 Nëntor 2026 MAQEDONI

Do të ishte gabim i madh nëse vendoset të shkohet në zgjedhje…

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

Press Online20 Nëntor 2026 MAQEDONI

Në palestrën sportive “Shaban Tërstena” në Çair, sot nisi Universiada Mbarëkombëtare “Çair…

Sulejmani dhe ambasadori i Kosovës, Qehaja, në manifestimin për Ditën e Alfabetit Shqip në Butel: Gjuha shqipe është një nga vlerat më të çmuara të identitetit tonë

Press Online20 Nëntor 2026 MAQEDONI

Zëvendësministri i Arsimit dhe Shkencës, Driton Sulejmani, së bashku me Ambasadorin e…

© 2018 - 2026 PressOnline.al
  • IMPRESUM
  • MARKETING
  • KONTAKT

Type above and press Enter to search. Press Esc to cancel.