Ish-lojtari i Barcelonës, Luuk De Jong është prezantuar si përforcimi surprizë i gjigantit portugez Porto.
Porto kishte rezervuar një surprizë për prezantimin e skuadrës. Luuk de Jong u shpall zyrtarisht si lojtari më i ri i ‘Dragojve’, duke marrë fanellën me numrin 26, vetëm pak minuta para ndeshjes miqësore kundër Atletico Madridit.
Sulmuesi holandez erdhi nga PSV Eindhoven, ku kaloi tre sezonet e fundit pas rikthimit nga Barcelona.
Në sezonin 2024/2025, De Jong realizoi 18 gola në 47 ndeshje. Një vit më parë, ai ishte golashënuesi më i mirë i Eredivisie me 29 gola, çmim që e ndau me sulmuesin aktual të Benficas, Vangelis Pavlidis.
SURPRISE, SURPRISE!
FC Porto announced Luuk De Jong.
NO ONE KNEW OF HIS SIGNING until he was unveiled in front of the fans.
@sporttvportugal pic.twitter.com/qaLKu1xGz8
— Polymarket FC (@PolymarketFC) August 3, 2025
Me PSV-në, De Jong fitoi dy tituj radhazi në Eredivisie, ku mbante edhe shiritin e kapitenit, dhe u largua si lojtar i lirë në fillim të kësaj vere.
Ai ishte përfolur për një transferim në kampionatin saudit dhe te skuadra italiane Fiorentina, por në fund zgjodhi Porton, tani e drejtuar nga ish-trajneri i Ajaxit, Francesco Farioli.
Me këtë transferim, De Jong shton konkurrencën në repartin ofensiv të Portos, ku aktualisht janë talenti spanjoll Samu dhe sulmuesi i ri turk, Deniz Gul.
