Agjencia Amerikane për Mbrojtjen e Mjedisit, ka paralajmëruar se formaldehidi, një kimikat i përdorur gjerësisht në trajtimet për drejtimin e flokëve, paraqet rrezik serioz për shëndetin.
Ky kimikat, i njohur edhe si formalinë apo metilen glikol, lëshon gaz toksik gjatë trajtimeve me nxehtësi, i cili mund të thithet dhe të shkaktojë irritim të syve e frymëmarrjes, si dhe rrezik të shtuar për kancer, transmeton klankosova.tv.
Rreziqet janë veçanërisht të larta në hapësira me ventilim të dobët, si sallonet apo banjat.
AAMM, thekson se ekspozimi i gjatë ndaj këtij kimikati mund të dëmtojë funksionin e mushkërive dhe të rrisë problemet alergjike dhe astmatike, përveç rrezikut të kancerit.
Ekspertët nxisin kujdes maksimal gjatë përdorimit të këtyre produkteve.
