AMD dhe Nvidia do të jenë në kurs përplasjeje në evenimentin CES që do të mbahet në fillim të vitit të ardhshëm.
CEO e AMD Lisa Su konfirmoi për herë të parë se kompania do të lançojë gjeneratën e ardhshme të kartave grafike për kompjuterët desktopë në fillim të vitit të ardhshëm.
“Të ardhurat e kartave grafike gaming ranë nga viti në vit ndërsa po përgatitemi për lançimin e gjeneratës së ardhshme Radeon me arkitekturën RDNA,” tha Su për investitorët.
“Krahas rritjes së fortë të performancës gaming, RDNA 4 sjell performancë më të lartë ray-tracing dhe shton funksionalitete AI. Presim që të lançojmë kartat e para RDNA 4 në fillim të 2024.”
Afati i parashikuar përkon me një debutim të mundshëm të RDNA 4 në CES në fillim të Janarit. Është e rrallë që një kompani të prezantoi karta grafike desktop në CES.
Nga ana tjetër pritet që edhe Nvidia të përdorë CES për debutimin e kartave grafike RTX 50. Më shumë qartësi nga ky i fundit pritet të kemi gjatë raportit financiar që do të publikohet më 19 Nëntor.
/PCWorld Albanian
