Një ngjarje e pazakontë ndodhi në një konkurs fotografike ku një imazh i gjeneruar nga AI fitoi një çmim të madh raportoi PetaPixel.
Një imazh i quajtur The Electricion nga Boris Eldagsen fitoi çmimin e parë në kategorinë Creative të konkursit World Photography Organization të Sony World Photography Awards edhe pse nuk ishte realizuar me një kamër.
Eldagsen refuzoi çmimin duke thënë: “AI nuk është fotografi. Aplikacion në konkurs për të mësuar nëse evenimente të tilla janë të përgatitur për imazhet AI. Nuk janë.”
Imazhi i Eldagsen ishte pjesë e një serie quajtur PSEUDOMNESIA: Fake Memories dizajnuar për të vënë në dukje stilin fotografik të viteve 1940. Në të vërtetë janë imazhe të rreme të së kaluarës që nuk kanë ekzistuar asnjëherë sepse askush nuk i ka fotografuar.
Imazhet janë edituar mes 20 deri në 40 herë nga gjenerues AI. Eldagsen shpjegoi se kishte përdorur eksperiencën e tij si fotograf për të krijuar imazhin.
“Faleminderit të përzgjodhët fotografinë time duke bërë këtë moment historik sepse është imazhi i parë gjeneruar nga AI që fiton në një konkurs prestigjioz ndërkombëtar fotografie,” shkruante ai.
Eldagsen udhëtoi në Londër për të marrë pjesë fizikisht në ceremoni e madje u ngjit në skenë i paftuar për të lexuar deklaratën.
/PCWorld Albanian
