Close Menu
Press OnlinePress Online
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Më të rejat

Sejdiu: Problemi nuk janë anëtarët e BDI-së, por një udhëheqësi që nuk po e kupton se koha e saj ka kaluar

20 Nëntor 2026

Dimovski: Nuk do të ketë zgjedhje, koalicioni qeveritar është stabil

20 Nëntor 2026

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

20 Nëntor 2026
Press OnlinePress Online
  • IMPRESUM
  • MARKETING
  • KONTAKT
24.2° C Shkup ▼
Facebook Instagram YouTube TikTok
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Press OnlinePress Online

Janevska: Rezultatet e PISA-s janë pasojë e reformave të mëparshme, efektet e reformës së re do të shihen pas 9-10 vitesh

Press Online9 Shtator 2026 MAQEDONI
Facebook LinkedIn WhatsApp Email Twitter Copy Link

-Për fat të keq, rezultatet e PISA-s janë sërish shumë të dobëta, por dua të theksoj se këto janë rezultate të reformave të bëra më herët. Ne erdhëm në pushtet në vitin 2024 dhe vetëm gjashtë muaj më vonë, në vitin 2025, u zhvilluan këto testime, deklaroi sot ministrja e Arsimit dhe Shkencës, Vesna Janevska, pasi Organizata për Bashkëpunim dhe Zhvillim Ekonomik (OECD) dje publikoi rezultatet e vlerësimit ndërkombëtar PISA 2025 për nxënësit 15-vjeçarë. Siç tha ajo, rezultatet e reformës që aktualisht po zbatohet në sistemin arsimor të Maqedonisë do të jenë të dukshme pas rreth dhjetë vitesh.

Sipas rezultateve të testimit PISA 2025, i cili mat aftësitë për zgjidhjen e problemeve dhe zbatimin e njohurive në situata reale, nxënësit e Maqedonisë kanë shënuar rezultate më të ulëta se mesatarja e vendeve të OECD-së në të tri fushat kryesore – matematikë, lexim dhe shkencë – si dhe në pjesën e zgjidhjes së problemeve kompjuterike.

Nxënësit 15-vjeçarë nga Maqedonia e Veriut kanë rezultate më të dobëta në matematikë krahasuar me vitin 2022, ndërsa rezultatet në lexim dhe shkencë mbeten pothuajse në të njëjtin nivel. Janevska theksoi se nxënësit e vendit kishin rezultate më të mira edhe në vitin 2001.

“Për fat të keq, në vitin 2001 kemi pasur rezultate më të mira në lexim dhe të kuptuar. Rezultatet më të mira i kemi pasur në vitin 2018, që, sipas mësimdhënësve dhe analizave, është rezultat i reformës ‘Kembrixh’. Rezultatet e reformës që po zbatohet aktualisht do t’i shohim kur këta nxënës të mbushin 15 vjeç, pra diku pas 9-10 vitesh. Për fat të keq, nuk bëhet fjalë vetëm për programet. Do të duhet t’u kushtojmë shumë më tepër vëmendje edhe elementeve të tjera që përbëjnë sistemin arsimor”, tha Janevska.

Sipas rezultateve të PISA 2025, në nivel global është shënuar rënie e performancës në lexim dhe matematikë, që lidhet edhe me inteligjencën artificiale. E pyetur se si mund të përballet sistemi me një fenomen të tillë, i cili ndikon në përqendrim, koncentrim dhe mënyrën e të nxënit, ministrja tha se ekzistojnë teza se teknologjia ka ndikim të konsiderueshëm në këto rezultate në nivel global.

“Por ekzistojnë edhe teza të tjera se e gjithë situata shoqërore në vende të caktuara, si dhe situata globale, kanë ndikim të konsiderueshëm. Ende nuk mund të themi se vetëm inteligjenca artificiale kontribuon seriozisht në këtë. Ndoshta ndikim më të madh kanë rrjetet sociale, përdorimi i pakontrolluar i telefonave dhe tabletëve. Do të përballemi me këtë në mënyrën klasike, atë që e promovojmë vazhdimisht: fëmijët duhet të mësojnë të shkruajnë dhe të lexojnë në mënyrë tradicionale, të zhvillojnë motorikën dhe mendjen e tyre, ndërsa mësuesit duhet t’i mësojnë se si ta përdorin teknologjinë në funksion të të menduarit kritik dhe analizës kritike. Prandaj thashë se nuk është vetëm një element që ndikon në rezultate”, deklaroi Janevska.

Sa i përket përdorimit të telefonave celularë gjatë mësimit, ministrja tha se “në një numër të madh shkollash në Maqedoni, telefonat nuk përdoren gjatë gjithë ditës”.

“Fëmijët i lënë telefonat në pajisje të posaçme për këtë qëllim – kuti apo forma të ndryshme prej pëlhure, ku i vendosin telefonat. Mësuesit ua kërkojnë shprehimisht këtë. Ata i përdorin vetëm në raste të jashtëzakonshme dhe vetëm në ato shkolla ku ende nuk është siguruar teknologji informatike për të ndihmuar në këtë drejtim”, u përgjigj Janevska.

Sipas rezultateve të testimit ndërkombëtar PISA 2025, në testin e matematikës vetëm 32 për qind e nxënësve kanë arritur të paktën nivelin bazë të njohurive, ndërsa mesatarja e OECD-së është 65 për qind. Në shkencë, rreth 36 për qind e nxënësve në vend kanë zotëruar konceptet bazë. Në raport theksohet se në këtë fushë asnjë nxënës nuk ka arritur nivelet më të larta 5 ose 6. Ndërkaq, vetëm rreth 26 për qind e nxënësve në Maqedoninë e Veriut kanë arritur nivelin 2 ose më lart në lexim, ndërsa asnjë nga nxënësit e testuar nuk ka arritur nivelin më të lartë.

Previous ArticleA do ta falte tradhtinë?! Drini Zeqo: Nuk mund ta dish nëse…
Next Article Gruda: PDK voton çdo formë për nënkryetarët, nëse VV-ja garanton konstituimin e Kuvendit

Lajme të ngjashme

Sejdiu: Problemi nuk janë anëtarët e BDI-së, por një udhëheqësi që nuk po e kupton se koha e saj ka kaluar

20 Nëntor 2026 MAQEDONI

Dimovski: Nuk do të ketë zgjedhje, koalicioni qeveritar është stabil

20 Nëntor 2026 MAQEDONI

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

20 Nëntor 2026 MAQEDONI

Sulejmani dhe ambasadori i Kosovës, Qehaja, në manifestimin për Ditën e Alfabetit Shqip në Butel: Gjuha shqipe është një nga vlerat më të çmuara të identitetit tonë

20 Nëntor 2026 MAQEDONI

Klekovski: Kemi nevojë për një sistem më të organizuar dhe me përgjegjësi të qarta

20 Nëntor 2026 MAQEDONI

UNICEF: Potenciali i çdo fëmije është më i rëndësishëm se kurrë

20 Nëntor 2026 MAQEDONI
Lajmet e fundit

Sejdiu: Problemi nuk janë anëtarët e BDI-së, por një udhëheqësi që nuk po e kupton se koha e saj ka kaluar

Press Online20 Nëntor 2026 MAQEDONI

Kryetari i Komunës së Zhelinës nga radhët e VLEN-it, Blerim Sejdiu, ka…

Dimovski: Nuk do të ketë zgjedhje, koalicioni qeveritar është stabil

Press Online20 Nëntor 2026 MAQEDONI

Do të ishte gabim i madh nëse vendoset të shkohet në zgjedhje…

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

Press Online20 Nëntor 2026 MAQEDONI

Në palestrën sportive “Shaban Tërstena” në Çair, sot nisi Universiada Mbarëkombëtare “Çair…

Sulejmani dhe ambasadori i Kosovës, Qehaja, në manifestimin për Ditën e Alfabetit Shqip në Butel: Gjuha shqipe është një nga vlerat më të çmuara të identitetit tonë

Press Online20 Nëntor 2026 MAQEDONI

Zëvendësministri i Arsimit dhe Shkencës, Driton Sulejmani, së bashku me Ambasadorin e…

Klekovski: Kemi nevojë për një sistem më të organizuar dhe me përgjegjësi të qarta

Press Online20 Nëntor 2026 MAQEDONI

Ministri i Shëndetësisë Sasho Klekovski njoftoi se së bashku me përfaqësuesin e…

© 2018 - 2026 PressOnline.al
  • IMPRESUM
  • MARKETING
  • KONTAKT

Type above and press Enter to search. Press Esc to cancel.