Prokuror publik nga Prokuroria Themelore Publike në Shkup ka lëshuar Urdhër për procedurë hetimore kundër dy personave për të cilët ekziston dyshimi se kanë kryer vepër penale si bashkëpjesëmarrës – Vrasje sipas nenit 123 paragrafi 2 pika 3 e nenit 19 (tentativë).
Më 6 qershor, pranë një parkingu në fshatin Shishovë, dy vëllezër të moshës 43 dhe 44 vjeç me paramendim tentuan t’i marrin jetën një personi, duke rrezikuar edhe jetën e dy të dëmtuarve të tjerë.
Arsyeja për këtë ka qenë një incident i mëparshëm trafiku në të cilin vëllai i të dëmtuarit dhe i dyshuari i parë, me automjetet e tyre, prekën pasqyrat e pasme të njëri-tjetrit, ndërsa kalonin pranë njëri-tjetrit dhe filluan grindje verbale.
I dyshuari e ka kapur për qafe dhe e ka kërcënuar, por dy dëshmitarët e incidentit kanë arritur ta qetësojnë situatën. I sulmuari ka marrë gruan e tij nga puna dhe e ka thirrur vëllain e tij për të kontrolluar nëse mund të ktheheshin të sigurt nga e njëjta rrugë. Afër vendit të incidentit të parë, në njërën nga shkurret, dy vëllezërit e dyshuar me armë po prisnin që ata të kalonin.
I dyshuari i parë ka qëlluar dy plumba, duke goditur vëllain e sulmuesit të parë në kokë, duke i shkaktuar atij një dëmtim, ndërsa ka rrezikuar edhe jetën e dy personave të tjerë.
Pasi ekzistojnë rrethana që tregojnë në rrezikun e arratisjes, rrethana të veçanta që tregojnë se ata do të pengojnë hetimin duke ndikuar te dëshmitarët dhe rrethana që arsyetojnë frikën se ata do të përfundojnë veprën penale, prokurori publik deri te gjykatësi i procedurës paraprake ka dorëzuar propozimin e caktimit të masës së paraburgimi për dy bashkëpunëtorët e dyshuar, bën të ditur Prokuroria publike.
