Close Menu
Press OnlinePress Online
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Më të rejat

SHQIPTARËT JANË POPULL SHTETFORMUES! Gashi uron Ditën e Alfabetit Shqip

22 Nëntor 2026

Sali: Në Ditën e Alfabetit, ndërtojmë ura bashkëpunimi mes Maqedonisë dhe Shqipërisë

22 Nëntor 2026

Mickoski: Korridori 8 do të përfundojë plotësisht deri në vitin 2029

22 Nëntor 2026
Press OnlinePress Online
  • IMPRESUM
  • MARKETING
  • KONTAKT
24.2° C Shkup ▼
Facebook Instagram YouTube TikTok
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Press OnlinePress Online

“Nxjerrja në tregun e hapur”, bie numri i bizneseve me më shumë se 50 punëtorë

Press Online15 Shkurt 2026 KOSOVË
Facebook LinkedIn WhatsApp Email Twitter Copy Link

Me paqartësi po afrohet edhe faza e dytë e nxjerrjes së bizneseve me më shumë se 50 punëtorë ose me qarkullim vjetor më shumë se 10 milionë euro në tregun e hapur të energjisë elektrike.

Edhe pse, muajin e kaluar, njoftoi nga 1 Prilli në tregun e lirë do të dalë grupi i dytë i konsumatorëve komercialë, që përmbush së paku njërin nga dy kriteret, ZRRE-ja nuk ka treguar se për sa biznese bëhet fjalë.

Zyra e Rregullatorit për Energji nuk ka treguar se sa biznese e kanë kaluar numrin prej 50 punëtorëve dhe sa qarkullimin vjetor prej më shumë se 10 milionë eurosh, që nga 1 Qershori i vitit të kaluar.

Ajo nuk bëri të ditur as nëse do të kthehen në tregun e rregulluar ato që kanë rënë nën këto shifra.

Rregullatori nuk tregoi as numrin e përgjithshëm të bizneseve që i përmbushin këto kritere.

Teksa kërkuan transparencë, në Shoqatën e Prodhuesve në kuadër të Odës Ekonomike thanë se as ZRRE-ja më nuk i referohet shifrës së përmendur në fillim prej 1300 biznesesh.

“Ne kemi bë pyetje konkrete, ZRRE më nuk përmend numër të bizneseve. Nuk janë 1300 biznese, sepse edhe në vendimin e Gjykatës Supreme, ZRRE nuk i është përgjigjur. Është e specifikuar në aktgjykimin e Gjykatës Supreme ku i është bërë pyetje sa është numri i bizneseve në tregun e lirë, ZRRE thotë nuk e dimë… Ishte dashtë me qenë një transparencë e mirë që me ditë të gjithë kush është në tregun e lirë, kush mund të dalë në tregun e lirë, me u përgatitë sepse kostoja është e lartë”, ka thënë Kushtrim Ajvazi, Kryetar i Shoqatës së Prodhuesve.

Pasi tha se ka biznese që janë në tregun e hapur përkundër që nuk i plotësojnë kriteret, Ajvazi kërkoi qartësi para fazës së dytë.

“Nuk ka ende udhëzues se çka ndodhë tash me ato biznese që s’e kanë plotësua kriterin e janë ende në tregun e lirë, a kanë me u kthye në tregun e rregulluar?! As këtu nuk ka informata. Po më vjen keq që edhe 2026-tën po e fillojmë me këtë sistem, si të themi, një lloj amullie nga ZRRE-ja, të pasqaruar për sektorin e bizneseve në përgjithësi, e sidomos për sektorin prodhues”, ka thënë Kushtrim Ajvazi, Kryetar i Shoqatës së Prodhuesve.

Në një përgjigje gjysmake, Administrata Tatimore i përcolli TV Dukagjinit vetëm një pjesë të informacioneve të kërkuara.

“Bazuar në të dhënat e ATK-së, numri i bizneseve që kanë numër më të madh se 50 punëtorë të regjistruar është 782. Numri i bizneseve aktive që kanë më shumë se 10 milionë euro qarkullim është 333”- ADMINISTRATA TATIMORE E KOSOVËS

Në këtë përgjigje nuk u tregua se sa prej bizneseve i kanë të dyja, më shumë se 50 punëtorë dhe qarkullim vjetor më shumë se 10 milionë euro, duke lënë paqartësi për numrin e saktë.

Sido që të jetë, nëse krahasohet me të dhënat që ATK-ja i kishte përcjellë televizionit në Prill 2025, rezulton se numri i bizneseve me më shumë se 50 punëtorë ka shënuar rënie.

Kjo pasi në këtë kategori vitin e kaluar, sipas ATK-së, ishin 964 biznese apo 182 më shumë se sa këtë vit.

Ndërkaq, këtë vit janë 12 biznese më shumë në listën e atyre me më shumë se 10 milionë euro qarkullim vjetor.

Përkundër aktgjykimit të Gjykatës Supreme lidhur me procesin e hapjes së tregut, ZRRE-ja dhe bizneset kanë interpretime të ndryshme, ndërsa po vijojnë betejat gjyqësore në raste individuale.

Previous ArticleUshtria amerikane po përgatitet për operacione kundër Iranit
Next Article GOOOL: Juventusi barazon rezultatin ndaj Interit

Lajme të ngjashme

Dita e Alfabetit, Shiroka-Pula: Lufta për liri u bë edhe për gjuhën shqipe

22 Nëntor 2026 KOSOVË

Nga Kadareja te festat e Nëntorit, Shqipëria dhe Kosova me kalendar të përbashkët kulturor

20 Nëntor 2026 KOSOVË

Kosova nis rrënime të reja në Ujman, Serbia kundërshton

20 Nëntor 2026 KOSOVË

Lista Studentore synon të rishqyrtojë marrëveshjet me Kosovën, BE thotë se Serbia duhet t’i zbatojë

20 Nëntor 2026 KOSOVË

Kuvendi i Kosovës miraton në parim buxhetin prej 4.27 miliardë eurosh për vitin 2027

20 Nëntor 2026 KOSOVË

Aksion në gjithë Kosovën: Mbyllen 15 lokale ‘muzikë live’ dhe qendra masazhi, prangosen 8 persona

19 Nëntor 2026 KOSOVË
Lajmet e fundit

SHQIPTARËT JANË POPULL SHTETFORMUES! Gashi uron Ditën e Alfabetit Shqip

Press Online22 Nëntor 2026 MAQEDONI

Dita e Alfabetit Shqip nuk është vetëm një përvjetor historik, por edhe…

Sali: Në Ditën e Alfabetit, ndërtojmë ura bashkëpunimi mes Maqedonisë dhe Shqipërisë

Press Online22 Nëntor 2026 MAQEDONI

Zëvendëskryeministri i parë i Maqedonisë së Veriut, Bekim Sali, ka vlerësuar promovimin…

Mickoski: Korridori 8 do të përfundojë plotësisht deri në vitin 2029

Press Online22 Nëntor 2026 EKONOMI

Ndërtimi i segmenteve të autostradës së Korridorit 8 në pjesën perëndimore të…

Dita e Alfabetit, Ahmeti: Kthesë historike për identitetin, arsimin dhe kulturën tonë

Press Online22 Nëntor 2026 MAQEDONI

Kryetari i Bashkimit Demokratik për Integrim, Ali Ahmeti ka shprehur urime me…

Siljanovska me mesazh për 22 Nëntorin: Uniteti nuk i mohon dallimet, por i respekton ato

Press Online22 Nëntor 2026 MAQEDONI

Presidentja Gordana Siljanovska-Davkova u ka drejtuar një mesazh urimi pjesëtarëve të komunitetit…

© 2018 - 2026 PressOnline.al
  • IMPRESUM
  • MARKETING
  • KONTAKT

Type above and press Enter to search. Press Esc to cancel.