Neoplazitë malinje janë ndër shkaqet më të shpeshta të vdekjes në botë. Në vendin tonë, pas sëmundjeve të sistemit qarkullues, neoplazitë malinje përbëjnë shkakun e dytë më të shpeshtë të vdekshmërisë. Në periudhën 2010–2024, shkalla e mortalitetit është rritur nga 180,3 për 100.000 banorë në vitin 2010 në 217,0 për 100.000 banorë në vitin 2024, thuhet në raportin e Institutit të Shëndetit Publik, informon PressOnline.al
Shkalla e mortalitetit nga neoplazitë malinje ka qenë më e lartë te meshkujt krahasuar me femrat.
– Në periudhën 2010–2024, shkalla e mortalitetit nga neoplazitë malinje në grupmoshën mbi 65 vjeç ka luhatur dhe është lëvizur nga 881,1 në vitin 2010 në 821,3 për 100.000 banorë në vitin 2024, thuhet në raport.
Shkalla e mortalitetit nga neoplazitë malinje në grupmoshën mbi 65 vjeç ka qenë më e lartë te popullata mashkullore. Ndërkohë, shkalla e mortalitetit nga neoplazitë malinje në grupmoshën 0–64 vjeç ka qenë dukshëm më e ulët krahasuar me grupmoshën mbi 65 vjeç. Edhe në grupmoshën 0–64 vjeç, mortaliteti ka qenë më i lartë te meshkujt sesa te femrat.
– Te meshkujt, shkaku më i shpeshtë i vdekjes nga neoplazitë malinje në periudhën 2010–2024 ka qenë neoplazia malinje e bronkeve dhe mushkërive, me një shkallë mortaliteti që ka lëvizur nga 64,8 në vitin 2010 në 58,2 në vitin 2017, 56,1 në vitin 2021, 68,3 në vitin 2023 dhe 71,3 për 100.000 meshkuj në vitin 2024. Te femrat, shkaku më i shpeshtë i vdekjes nga neoplazitë malinje në periudhën 2010–2024 ka qenë neoplazia malinje e gjirit. Shkalla e mortalitetit është rritur nga 30,0 në vitin 2010, në 32,6 në vitin 2021, 38,5 në vitin 2022 dhe 39,4 për 100.000 gra në vitin 2024, thuhet në raport.


