Kreu i qeverisë, Edi Rama, po i kalon ditën e nxehta të gushtit në jug të Shqipërisë. Ditën e sotme ai është takuar me kryebashkiakun e ri të Himarës, Vangjel Tavo, për të konsumuar kafen e mëngjesit.
Me Tavon, Rama ka diskutuar për punët në vazhdim dhe projektet e reja që do të realizojnë gjatë mandadit të kryetarit të bashkisë, i cili u zgjodh në krye të Himarës më 4 gusht duke mundur kandidatin e opozitës Peter Gjikuria.
“Me Vangjelin, kryebashkiakun e Himarës, për punët në vazhdim, projektet e reja të këtij mandati dhe planin strategjik #Himara2030 në #Shqipërinë2030”, shkruan kreu i qeverisë.
Himara shkoi në zgjedhje më 4 gusht pas arrestimit të kryebashkiakut të zgjedhur Fredi Beleri dhe heqjes së mandatit të tij nga KQZ. Në garë ishin Vangjel Tavo i PS dhe Peter Gjikuria i opozitës.
Tavo fitoi mbi 1.400 vota më shumë se kundërkandidati i tij, Petro Gjikuria.
Komisioni Qendror i Zgjedhjeve tha se procesi i numërimit të votave ishte i qetë dhe rezultati tregoi se Tavo mori 58 për qind të votave, kurse rivali i tij, Gjikuria 41 për qind.
Kryeministri i Shqipërisë, Edi Rama, i cili njëherë është kryetar i Partisë Socialiste, e uroi Tavon për fitoren dhe tha se Himara do të shndërrohet në një prej “destinacioneve më të kërkuara të Mesdheut”. /vizionplus.tv
