Gara për “Topin e Artë” (Ballon d’Or) duket më emocionuese dhe më e paparashikueshme se kurrë, me tensionin në nivele të larta – veçanërisht mes dy yjeve nga Barcelona dhe Real Madridi: Lamine Yamal dhe Kylian Mbappé.
Në këtë kontekst, Yamal foli për emisionin Universo Valdano në Movistar; intervista pritet të transmetohet të premten e ardhshme. Këtë herë, ylli i Barcelonës ishte ndoshta më i qartë se kurrë lidhur me atë se kush e meriton, sipas tij, të fitojë “Topin e Artë”.
“Kujt do t’ia jepja ‘Topin e Artë’? Sinqerisht, mendoj se ndoshta ka vetëm dy lojtarë që janë më të mirët në botë, por unë e meritoj atë këtë vit,” tha ai, duke shtuar:
“Për mua, unë dhe Kylian Mbappé jemi dy lojtarët më të mirë dhe kushdo që i ndjek ndeshjet e di këtë.”
Vlen të përmendet se edhe Mbappé e shprehu mendimin e tij vetëm pak ditë më parë.
“Gjithmonë kam besuar se ‘Topi i Artë’ duhet të shpërblejë një lojtar që spikat. Sigurisht, ekziston edhe aspekti kolektiv, i cili është i rëndësishëm sepse futbolli është sport ekipor. Por, ky është një çmim individual,” deklaroi ai.
Ai u shpreh më prerazi kur foli për sezonin aktual.
“Mendoj se ofrova diçka ndryshe këtë vit. Prandaj besoj se mund ta fitoj ‘Topin e Artë’.”
“Mbappé y yo somos los dos mejores del mundo, pero creo que este año el Balón de Oro me lo merecería yo”.
‼️ 𝑳𝒂𝒎𝒊𝒏𝒆 𝒀𝒂𝒎𝒂𝒍, en exclusiva en #UniversoValdano.
#LaCasaDelFútbol https://t.co/YJmUZBVLaU
— Movistar Plus Deportes (@MPlusDeportes) September 13, 2026
