Nicole Kidman dhe Sandra Bullock janë ribashkuar në tapetin e kuq për premierën e shumëpritur të “Practical Magic 2” në Los Angeles, duke tërhequr vëmendjen me paraqitjet e tyre elegante dhe me një estetikë të theksuar gotike.
Kidman, 59 vjeçe, u shfaq me një fustan të zi transparent, të zbukuruar me dantella dhe me një çarje deri në kofshë.
Bullock, 62 vjeçe, zgjodhi një fustan të gjerë prej kadifeje të zezë, të kombinuar me detaje transparente dhe një jakë të bardhë me dantella.
Por momenti që tërhoqi më shumë vëmendjen ishte shfaqja e dy aktoreve dorë për dore në tapetin e kuq.
Kidman dhe Bullock rikthehen në rolet ikonike të motrave shtriga Gillian dhe Sally Owens, 28 vjet pas premierës së filmit të parë “Practical Magic”.
Vazhdimi sjell sërish historinë e motrave Owens dhe betejën e tyre me mallkimin familjar, ndërsa magjia, dashuria dhe lidhjet familjare mbeten në qendër të historisë.
Rikthimi i dyshes ka ngjallur nostalgji të madhe te fansat e filmit origjinal, i cili ndër vite është kthyer në një prej filmave kult të zhanrit fantasy-romancë.
“Practical Magic 2” shënon gjithashtu rikthimin e Sandra Bullock në ekranin e madh pas një pauze katërvjeçare.
Në premierën e Los Angeles-it morën pjesë edhe aktorë të tjerë të kastit, mes tyre Joey King dhe Maisie Williams.
Me dy motrat Owens sërish përballë njëra-tjetrës, dekada pas historisë së parë, “Practical Magic 2” duket se po rikthen jo vetëm magjinë e filmit origjinal, por edhe një dyshe që publiku ka pritur për vite të tëra ta shohë sërish së bashku.
