Ekipet e shpëtimit në Japoninë jugperëndimore po vijojnë kërkimet për të mbijetuar, ndërsa numri i viktimave nga tërmeti i fuqishëm ka shkuar në 13. Dhjetëra persona dyshohet se ndodhen ende nën rrënoja, ndërsa autoritetet po punojnë kundër kohës për t’i nxjerrë të gjallë.
Tërmeti me magnitudë 7.1 goditi të martën pasdite zonën e Kumamotos duke shkaktuar dëme të mëdha në ndërtesa dhe infrastrukturë.
Autoritetet e konsiderojnë atë si lëkundjen më të fortë në këtë rajon në 10 vitet e fundit.
Qeveria japoneze ka nisur gjithashtu përgatitjet për dërgimin e ushqimeve, ujit dhe ndihmave të tjera në zonat më të prekura.
Kryeministrja japoneze u bëri thirrje banorëve të tregojnë kujdes, pasi rajoni po përballet edhe me temperatura ekstreme, që pritet të afrohen deri në 40 gradë Celsius.
Tërmeti riktheu kujtimet e katastrofës së vitit 2016, kur një seri lëkundjesh në Kumamoto, përfshirë një tërmet me magnitudë 7.0, shkaktuan 277 viktima dhe mijëra të plagosur.
