Close Menu
Press OnlinePress Online
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Më të rejat

Alarm për linë e deleve dhe dhive: 438 mijë kafshë nisin vaksinimin në Maqedoni

19 Nëntor 2026

Aksion në gjithë Kosovën: Mbyllen 15 lokale ‘muzikë live’ dhe qendra masazhi, prangosen 8 persona

19 Nëntor 2026

Schweinsteiger ngre në piedestal talentin me origjinë shqiptare: Lojtar i nivelit botëror!

19 Nëntor 2026
Press OnlinePress Online
  • IMPRESUM
  • MARKETING
  • KONTAKT
24.2° C Shkup ▼
Facebook Instagram YouTube TikTok
  • BALLINA
  • MAQEDONI
  • EKONOMI
  • KOSOVË
  • SHQIPËRI
  • GLOBI
  • OPINIONE
  • SPORT
  • SHOWBIZ
  • LIFESTYLE
  • TEKNOLOGJI
Press OnlinePress Online

Sveçla: PDK-ja është forca kryesore në qeverisjen e Përparim Ramës, koalicioni po e dëmton Prishtinën

Press Online25 Korrik 2026 KOSOVË
Facebook LinkedIn WhatsApp Email Twitter Copy Link

Shefi i Grupit të Asamblistëve të Lëvizjes Vetëvendosje në Kuvendin Komunal të Prishtinës, Gëzim Sveçla, në një intervistë për Ekonomia Online, ka kritikuar bashkëqeverisjen e LDK-së dhe PDK-së në kryeqytet, duke thënë se ky bashkëpunim daton që nga mandati i parë i kryetarit Përparim Rama dhe se, sipas tij, ka dëmtuar interesin e qytetarëve.

Ndërsa, ka thënë se edhepse LDK-ja ka fituar në zgjedhjet komunale, PDK-ja jo vetëm që është pjesë e koalicionit të tyre, por është edhe subjekti më i fuqishëm politik.

“Ky bashkëpunim i Përparim Ramës me PDK-në daton prej mandatit të parë. Siç e dimë, edhe prej mandatit të parë kanë qenë bashkë, pastaj ka ndodhur një krisje, e cila u sanua dhe përsëri u bënë bashkë gjatë balotazhit. Ndërkohë që sot në Prishtinë, nga fuqia politike, PDK-ja jo vetëm që është pjesë e koalicionit, por është subjekti më i fuqishëm politik. Numrin më të madh të drejtorive e ka Partia Demokratike e Kosovës, ndërmarrjet kryesore në kryeqytet i menaxhon Partia Demokratike e Kosovës, ndërkohë që pjesë e koalicionit janë edhe LDK-ja, AAK-ja, Nisma dhe Lidhja për Prishtinën”, tha ai.

Sveçla foli edhe për situatën brenda LDK-së në Kuvendin Komunal të Prishtinës, duke pretenduar se ekziston një përçarje mes asamblistëve.

“Kur jemi te LDK-ja, duhet potencuar se në Kuvendin Komunal të Prishtinës i kemi dy grupe të LDK-së. Është grupi i Lumir Abdixhikut, që është 4-5 asamblistë, dhe pjesa tjetër që është grupi i Përparim Ramës, të cilët janë kundër Lumir Abdixhikut dhe e mbështesin Përparim Ramën. Kjo u dëshmua gjatë votimit të fundit, ku, përkundër faktit se me numra rezulton që shumica do të duhej të ishte mbi 35 asamblistë, shumica e pikave që kanë kaluar në mbledhje kanë kaluar me 25-26 asamblistë, gjë që konstaton, ose vërteton, përçarjen e madhe që është brenda grupit të Lidhjes Demokratike të Kosovës në Kuvendin Komunal të Prishtinës”, u shpreh ai për Ekonomia Online.

Ai tha se mes LDK-së dhe PDK-së nuk ka kritikë të ndërsjellë, pasi, sipas tij, të dyja partitë janë në pushtet.

“Nuk ka kritikë të ndërsjellë mes LDK-së dhe PDK-së, kur të dyja janë bashkë. Kritika e tyre është vetëm atëherë kur ndahen për shkak të interesave të ngushta partiake ose të grupeve të tyre brenda subjekteve që u përkasin. Ndërkohë, në anën tjetër nuk ka fare kritikë, e për më keq, nuk ka as bashkëpunim në kuptimin e realizimit të projekteve për të cilat edhe e kanë fituar besimin e qytetarëve. Nga ky bashkëpunim LDK-PDK, ai që dëmtohet më së shumti është qytetari, ndërkohë që ai që fare nuk prosperon është qyteti i Prishtinës. Kjo është dëshmuar edhe në mandatin e kaluar, kur kanë qenë bashkë, e fatkeqësisht po dëshmohet edhe në vitin e parë të bashkëpunimit të tyre në mandatin e dytë. Mirëpo, në fund mbetet që qytetarët janë ata që japin vlerësimin dhe këtij koalicioni, që asnjëherë asgjë të mirë nuk i ka sjellë Prishtinës, t’ia japin vendin që e meriton”, deklaroi Sveçla.

Ai shtoi se problemet në kryeqytet janë të shumta, ndërsa vlerësoi se dëmi i shkaktuar nga qeverisja aktuale është më i madh sesa puna e bërë.

“Prishtina ka aq shumë probleme, aq shumë kërkesa, sa është e pamundur që diçka të mos bëhet në të mirë. Megjithatë, sasia e dëmit që Përparim Rama dhe qeverisja e tij me PDK-në i kanë shkaktuar kryeqytetit është larg më e madhe sesa të mirat që i janë bërë Prishtinës. Natyrisht që ka ndonjë punë, qoftë në kuptimin e shërbimeve publike, qoftë në kuptimin e ndonjë investimi që i bën mirë qytetit dhe të cilin e mirëpresim, por po e përsëris: keqmenaxhimi me paranë publike, abuzimet financiare dhe mungesa e realizimit të projekteve kryesore janë ato që bien në pah, pavarësisht nëse ka ndonjë punë të mirë apo jo”, tha ai.

Sveçla tha se Lëvizja Vetëvendosje do të dëshironte të udhëhiqte me Prishtinën, por shtoi se e respekton rezultatin zgjedhor, duke akuzuar njëkohësisht qeverisjen aktuale për mosmbajtje të premtimeve.

“Jo, fatkeqësisht jo. Natyrisht që, si subjekt politik, do të donim që Lëvizja Vetëvendosje të ishte ajo që udhëheq me qytetin, por kështu nuk kanë vendosur qytetarët dhe ne e pranojmë këtë rezultat. Mirëpo, përvoja qoftë nga mandati i kaluar, qoftë në këtë mandat, po e dëshmon që qytetarët janë mashtruar. Janë mashtruar nga premtimet e Përparim Ramës, janë mashtruar nga premtimet e panelistit të tij të përhershëm, Uran Ismaili. Një shembull konkret është se z. Ismaili ka premtuar transport publik falas, ndërkohë që me Uran Ismailin në qeverisje dhe me Përparim Ramën kryetar, çmimi i transportit publik është dyfishuar në Prishtinë. Pra, mashtrimi në raport me qytetarët është evident dhe shihet në çdo pore të jetës në kryeqytet”, u shpreh ai.

Previous ArticleZyrtare: Atletico Madrid nënshkruan me sulmuesin e PSG-së!
Next Article Sulm fizik ndaj vajzës 22-vjeçare në një shtëpi në Galaiçnik

Lajme të ngjashme

Aksion në gjithë Kosovën: Mbyllen 15 lokale ‘muzikë live’ dhe qendra masazhi, prangosen 8 persona

19 Nëntor 2026 KOSOVË

“Më ke bërë shumë padrejtësi e intriga sa ishe gjallë”, mbesa e Qumilit reagon pas ndarjes nga jeta të hallës

19 Nëntor 2026 KOSOVË

Në arrati prej sulmit në Banjskë, Bosnje-Hercegovina i ndalon Milan Radoiçiç hyrjen në vend

19 Nëntor 2026 KOSOVË

Analiza: A mund të marrin formë lidhjet akademike mes Kosovës dhe Kinës?

19 Nëntor 2026 KOSOVË

Vetëvendosje dhe PDK arrijnë marrëveshje për ndryshimin e Ligjit për Gjykatën Speciale

19 Nëntor 2026 KOSOVË

Gati 18 milionë euro në mal…

19 Nëntor 2026 KOSOVË
Lajmet e fundit

Alarm për linë e deleve dhe dhive: 438 mijë kafshë nisin vaksinimin në Maqedoni

Press Online19 Nëntor 2026 MAQEDONI

 Ka nisur vaksinimi masiv i deleve dhe dhive kundër sëmundjes së lisë…

Aksion në gjithë Kosovën: Mbyllen 15 lokale ‘muzikë live’ dhe qendra masazhi, prangosen 8 persona

Press Online19 Nëntor 2026 KOSOVË

Policia e Kosovës ka realizuar planin operativ “Vjeshta 2026”, në kuadër të…

Schweinsteiger ngre në piedestal talentin me origjinë shqiptare: Lojtar i nivelit botëror!

Press Online19 Nëntor 2026 SPORT

Brajan Gruda është futbollisti i momentit në Gjermani. Talenti me origjinë shqiptare…

Florian Nesimi: BDI-ja kopjon idetë e PPD-së, ja faktet

Press Online19 Nëntor 2026 MAQEDONI

Analisti Florian Nesimi, në një postim, ka kritikuar BDI-në, duke e cilësuar…

Anthropic thyen rekordin e SpaceX, mbledh 107.3 miliardë dollarë në IPO dhe…

Press Online19 Nëntor 2026 TEKNOLOGJI

Kompania amerikane e inteligjencës artificiale Anthropic ka shënuar një rekord të ri…

© 2018 - 2026 PressOnline.al
  • IMPRESUM
  • MARKETING
  • KONTAKT

Type above and press Enter to search. Press Esc to cancel.