Të paktën 15 persona u plagosën pas përplasjes së dy tramvajeve, e cila ndodhi mëngjesin e së mërkurës (22 korrik) në urën Erasmus në Roterdam të Holandës.
Sipas videove që po qarkullojnë në rrjetet sociale, njëri tramvaj ndaloi teksa po hynte në urë nga drejtimi i qendrës së qytetit, ndërsa pak çaste më vonë një tramvaj i dytë u përplas me të nga pas.
🇳🇱 PAYS-BAS : 15 blessés dont un grave dans une spectaculaire collision entre deux tramways sur le célèbre pont Érasme de #Rotterdam. pic.twitter.com/ztPoDt7MkH
— Infos Françaises (@InfosFrancaises) July 22, 2026
Sipas NL Times, një person mbeti i bllokuar në mjet dhe u nxor nga zjarrfikësit. Ai ka pësuar lëndime të rënda dhe është dërguar në spital për trajtim.
Kompania e transportit publik RET bëri të ditur se ende nuk dihen shkaqet e aksidentit. Në një deklaratë, kompania u shpreh e tronditur nga ngjarja dhe theksoi se mendimet e saj janë me të plagosurit dhe pasagjerët e përfshirë.
Si pasojë e përplasjes, edhe dy automjete pësuan dëme materiale. Ndërkohë, qarkullimi i tramvajeve në linjat 3 dhe 5 u ndërpre përkohësisht deri në normalizimin e situatës.
Tram rijdt tegen stilstaande tram op Erasmusbrug, Rotterdam. Minstens 15 gewonden.
🥴pic.twitter.com/BCB3gEMJ26— Lou Lewinsky 2 (@lewinskylou2) July 22, 2026
/vizionplus.tv
