Përfaqësuesja e Brazilit është gjunjëzuar plotësisht pas eliminimit dramatik nga Kupa e Botës.
Një tjetër ëndërr është shuar, por imazhi që po bën xhiron e botës nuk është ai i lojës, por ai i dëshpërimit të thellë të Casemiros.
Mesfushori me përvojë, një “mur” në fushën e blertë, nuk arriti t’i përmbante emocionet përballë kamerave. Pyetja e një gazetari për miliona fëmijë brazilianë, të cilët shihnin tek ai idhullin e tyre dhe shpresën për trofe, ishte “goditja” e fundit. Sytë e mbushur me lot dhe zëri që i dridhej treguan më shumë se çdo fjalë e mundshme.
“Është e vështirë të gjesh fjalët e duhura. Çdo futbollist ëndërron të fitojë Kupën e Botës që në fëmijëri, dhe ky ishte shansi im i tretë. Jam krenar për gjithçka që bëmë, por e di që zhgënjyem miliona tifozë. Në këtë moment, dua vetëm të jem me familjen time, sepse dhimbja është shumë e madhe,” u shpreh Casemiro mes lotësh.
Ky rrëfim i sinqertë ka prekur zemrat e tifozëve anembanë botës, pavarësisht fanellës që mbështesin. Ndërsa Brazili kthehet në shtëpi pa trofeun e shumëdëshiruar, lotët e Casemiros do të mbeten dëshmia më e pastër e asaj çfarë do të thotë të luash me zemër për vendin tënd.
LEXO EDHE: “Eliminimi erdhi nga vendimet e trajnerit”/ Ronaldo ‘Fenomeni’ kritikon Ancelottin!
https://www.youtube.com/watch?v=5n4Z2qC633c
LEXO EDHE: Princi që nuk u bë kurrë mbret, Neymar njofton vendimin drastik pas eliminimit të Brazilit
