21 Qershor 2026, 18:38
Pas xhiros së parë të takimeve në këtë Botëror futbolli, superkompjuteri i njërit prej instituteve më të mirë të statistikave ka ribërë llogaritë duke dhënë edhe një herë përqindjet e mundësive të disa skuadrave për të ngritur lart trofeun në New Jersey.
Franca e Olise me shokë ka 15.40% të shanseve që të festojë me trofeun në finalen e madhe dhe të fitojë për herë të tretë trofeun.
Pas tyre renditen “Tre Luanët” e Harry Kane, të cilët kanë 12.26% të shanseve për të triumfuar në finalen e madhe dhe për t’i dhënë fund “mallkimit” 60 vjeçar.
Ekipi i tretë favorit për të fituar Kupën e Botës janë kampionët në fuqi. Argjentina ka 12.18% të shanseve për të mbrojtur titullin e fituar në Katar.
