Presidenti i SHBA-së, Donald Trump zëvendëspresidenti J. D. Vance dhe kryetari i Parlamentit iranian, Mohammad Bagher Ghalibaf, kanë nënshkruar në mënyrë elektronike një memorandum mirëkuptimi që synon t’i japë fund konfliktit mes SHBA-së dhe Iranit, konfirmuan zyrtarë amerikanë.
Sipas marrëveshjes paraprake, parashikohet hapja e Ngushticës së Hormuzit dhe heqja e bllokadës detare ndaj porteve iraniane, masa që pritet të rrisin ndjeshëm qarkullimin detar dhe të lehtësojnë tregjet globale të energjisë.
Megjithatë, zbatimi i plotë i marrëveshjes mund të përballet me sfida praktike.
Raportet tregojnë se nevojiten operacione për pastrimin e minave në Ngushticën e Hormuzit përpara rikthimit të plotë të trafikut detar, ndërsa normalizimi i qarkullimit mund të kërkojë disa javë.
Zyrtarët amerikanë kanë bërë të ditur se ceremonia zyrtare e nënshkrimit do të zhvillohet të premten në Gjenevë, ku pritet të marrin pjesë përfaqësues të lartë të të dy vendeve.
