Përplasjet politike mes VMRO-DPMNE-së dhe LSDM-së vazhdojnë të intensifikohen edhe në raport me procesin e integrimit evropian të vendit. Në një reagim të fundit, VMRO-DPMNE akuzon opozitën dhe kreun e saj, Venko Filipçe, se mbështesin politika që, sipas partisë në pushtet, cenojnë interesat kombëtare dhe identitetin maqedonas. Nga VMRO-DPMNE thonë se qeveria aktuale po realizon reforma dhe po avancon në rrugën evropiane pa bërë lëshime në çështjet kombëtare.
Në vazhdim po ua përcjellim komunikatën e plotë të VMRO DPMNE-së:
Qeveria e udhëhequr nga VMRO-DPMNE po dëshmon se rruga evropiane është e mundur edhe pa poshtërime kombëtare. Maqedonia është lidere në reformat dhe në Planin e Rritjes ndërmjet vendeve të Ballkanit Perëndimor, pa e shitur identitetin, pa e ripërcaktuar historinë dhe pa e relativizuar identitetin maqedonas.
Kjo i pengon LSDM-së dhe Filipçes, prandaj ata vazhdojnë të pretendojnë se pa lëshime nuk ka përparim.
Pikërisht për këtë arsye qytetarët e dërguan LSDM-në në opozitë dhe në disa palë zgjedhje ua përsëritën të njëjtin mesazh. Sepse e dinë se për LSDM-në nuk janë të rëndësishëm as shteti, as populli, as identiteti, as gjuha dhe as emri. Atyre u intereson vetëm pushteti, paratë, fuqia dhe amnistia.
Bullgaria e ka bllokuar Maqedoninë në rrugën e integrimeve evropiane, ndërsa Filipçe vazhdimisht harmonizohet me qëndrimet e ministres së Jashtme bullgare, Petrovа Çamova.
Kështu, sipas VMRO-DPMNE-së, Vенко Filipçe sillet si një emisar i posaçëm bullgar në Maqedoni dhe përpiqet t’i afrohet udhëheqjes së Bullgarisë me synimin për të ardhur në pushtet.
Nëse Filipçe dhe LSDM-ja do të ishin në pushtet, ata menjëherë do të pranonin çdo lloj lëshimi kombëtar dhe do ta zbehinin sërish identitetin e Maqedonisë, ashtu siç, sipas VMRO-DPMNE-së, ka ndodhur edhe në të kaluarën sa herë që LSDM-ja ka qenë në pushtet. (PressOnline.al)
