A keni një mik apo një person të afërt që po përballet me depresionin? Nuk jeni vetëm. Miliona njerëz përjetojnë depresion çdo vit. Ndërsa “World Health Organization” vlerëson se rreth 280 milionë njerëz në botë jetojnë me depresion. Depresioni mund të ndikojë në humorin, energjinë, mendimet dhe sjelljen e një personi. Mbështetja nga familja dhe miqtë mund të luajë një rol shumë të rëndësishëm në procesin e përmirësimit.
Si ta dalloni depresionin te një person i afërt?
Jo të gjithë e përjetojnë depresionin në të njëjtën mënyrë. Simptomat mund të ndryshojnë nga personi në person.
Një mik që po kalon depresion mund:
- Të duket më i trishtuar ose të qajë më shpesh
- Të flasë me pesimizëm ose pa shpresë për të ardhmen
- Të ndihet fajtor, bosh ose pa vlerë
- Të shmangë takimet dhe komunikimin
- Të irritohet lehtë
- Të ketë më pak energji
- Të mos kujdeset për higjienën personale
- Të ketë probleme me gjumin ose të flejë shumë
- Të humbasë interesin për aktivitetet e zakonshme
- Të ketë vështirësi në përqendrim
- Të hajë më shumë ose më pak se zakonisht
- Të flasë për vdekjen ose vetëvrasjen
Si mund ta ndihmoni një mik me depresion?
1. Filloni një bisedë
Tregojini mikut tuaj se jeni aty për të.
Mund të përdorni fjali si:
“Kam vënë re që kohët e fundit nuk je mirë. Si ndihesh?” “Dukesh i/e mërzitur. Dëshiron të flasim?”
Është e rëndësishme të dëgjoni pa gjykuar dhe pa e detyruar të japë përgjigje.
2. Ndihmojeni të kërkojë mbështetje profesionale
Shumë njerëz nuk e kuptojnë menjëherë që po përjetojnë depresion ose nuk dinë ku të kërkojnë ndihmë. Mund ta ndihmoni duke:
- Kërkuar psikologë ose terapistë
- Ndihmuar për të caktuar një takim
- E shoqëruar nëse ka nevojë
- Ndonjëherë vetëm hapi i parë është më i vështiri.
3. Mbështeteni gjatë trajtimit
Depresioni shpesh e bën njeriun të izolohet dhe të humbasë motivimin. Nëse miku juaj dëshiron të anulojë terapinë ose të ndalojë ilaçet, përpiquni ta inkurajoni të vazhdojë dhe të konsultohet me mjekun para çdo vendimi. Ndërprerja e menjëhershme e medikamenteve mund të jetë e rrezikshme.
4. Kujdesuni edhe për veten
Ndihma ndaj dikujt me depresion mund të jetë emocionalisht e lodhshme. Vendosni kufij të shëndetshëm dhe mos harroni të kujdeseni edhe për nevojat tuaja emocionale dhe fizike.
5. Mësoni më shumë për depresionin
Sa më shumë të kuptoni depresionin, aq më mirë mund ta mbështesni mikun tuaj. Leximi mbi simptomat, trajtimet dhe efektet e depresionit ju ndihmon të tregoni më shumë empati dhe mirëkuptim.
6. Ofroni ndihmë në gjërat e përditshme
Për një person me depresion, edhe detyrat e thjeshta mund të duken të pamundura. Mund të ndihmoni me:
- Pazaret
- Gatimin
- Pastrimin
- Pagesat ose organizimin e ditës
- Edhe prania juaj mund të bëjë diferencë të madhe.
7. Vazhdoni ta ftoni në aktivitete
Njerëzit me depresion shpesh izolohen dhe refuzojnë ftesat. Mos ndaloni së ftuari, edhe nëse shpesh refuzojnë. Tregojuni që janë të mirëpritur sa herë të ndihen gati.
8. Bëni durim
Shërimi nga depresioni kërkon kohë. Ka ditë të mira dhe ditë të vështira. Mos prisni që personi të “rikthehet normal” menjëherë. Trajtimi shpesh kërkon kohë dhe prova të ndryshme.
9. Mbani kontakt
Edhe një mesazh i thjeshtë si “Po mendoj për ty” ose “Jam këtu për ty” mund të ketë shumë rëndësi. Njerëzit me depresion shpesh largohen nga të tjerët, ndaj mbajtja e kontaktit është shumë e vlefshme.
10. Kuptoni që depresioni nuk është vetëm trishtim
Depresioni mund të shfaqet edhe përmes:
