26 Prill 2026, 21:47
Ministri i Jashtëm i Iranit, Abbas Araghchi, pritet të takohet me Presidentin rus Vladimir Putin në Moskë ditën e hënë, gjatë një vizite zyrtare në Rusi.
Sipas agjencisë iraniane të lajmeve ISNA, ai do të informojë palën ruse për zhvillimet më të fundit në negociatat e paqes që po zhvillohen në Lindjen e Mesme.
Gjatë vizitës së tij në kryeqytetin rus, Araghchi do të diskutojë me zyrtarët rusë situatën aktuale të negociatave, çështjen e armëpushimit dhe zhvillimet e lidhura me to, si dhe do të paraqesë një raport të detajuar mbi këto bisedime.
Ministria e Jashtme e Rusisë konfirmoi vizitën e shefit të diplomacisë iraniane në Moskë për bisedime, por nuk dha detaje nëse ai do të takohet drejtpërdrejt me Presidentin Putin.
