Gjatë vitit 2025, Maqedonia vazhdoi të shënojë rritje të shkëmbimit tregtar me botën, por me import që rritet më shpejt se eksporti, duke thelluar defiçitin tregtar, informon PressOnline.al
Sipas të dhënave të Entit Shtetëror të Statistikës (ESHS), vendet me të cilat Maqedonia ka bashkëpunimin më të ngushtë ekonomik janë Gjermania, Mbretëria e Bashkuar, Kina, Greqia dhe Serbia, të cilat përbëjnë 47,8% të shkëmbimit tregtar. Pjesëmarrja e venE madhee anëtare të BE-së është 58,9%.
Gjermania mbetet partneri kryesor tregtar, me një volum total prej 4.042,3 milionë eurosh, megjithëse tregtia me këtë vend ka rënë për 6%. Eksporti arriti 2.899,7 milionë euro (-6,4%), ndërsa importi 1.142,6 milionë euro (-5%).
Ndërkohë, Mbretëria e Bashkuar shënoi rritje të ndjeshme, me shkëmbim total 1.573,3 milionë euro (+18,9%). Eksporti u rrit në 115,9 milionë euro (+14,3%), ndërsa importi arriti 1.457,3 milionë euro (+19,3%).
Kina gjithashtu po thellon lidhjet tregtare, me një volum total prej 1.319,3 milionë euro (+16,7%). Eksporti ishte 54,5 milionë euro (+3,8%), ndërsa importi 1.264,8 milionë euro (+17,4%).
Shkëmbimi me Serbinë u rrit në mënyrë të moderuar (+7,2%), me eksport 457,9 milionë euro (+2,2%) dhe import 752,7 milionë euro (+10,6%). Përkundrazi, tregtia me Greqinë u zvogëlua, me një volum total 1.198,6 milionë euro (-4%), eksport 261,4 milionë euro (-0,3%) dhe import 937,1 milionë euro (-5%).
Në total, eksporti i mallrave në vitin 2025 ishte 493,2 miliardë denarë (+3%), ndërsa importi 711,1 miliardë denarë (+4,5%), duke krijuar një defiçit tregtar prej 3,11 miliardë eurosh. Në dhjetor, defiçiti mujor ishte 255,2 milionë euro, ndërsa mbulimi i importit me eksport arriti 69,4% për vitin.
Eksporti në valutë të huaj arriti 8 miliardë euro (+2,9%) ose 9,05 miliardë dollarë (+7,4%), ndërsa importi 11,5 miliardë euro (+4,4%) ose 13,05 miliardë dollarë (+9%).
Struktura e eksportit dominohet nga katalizatorët me metale të çmuara, sete kabllosh për automjete, avionë dhe anije, pjesë për sedilje, që reflekton fuqinë e sektorit industrial dhe orientimin drejt eksportit. Tek importi, kryesojnë nafta dhe derivatet e saj, metalet e grupit platin, platina dhe aliazhët e saj, si dhe automjetet për transportin e personave, duke treguar varësinë e lartë nga energjentët, lëndët e para dhe transporti.(PressOnline.al)
