Sot, Ambasadori i Republikës së Italisë në Maqedoninë e Veriut, Paolo Palminteri, realizoi një vizitë përuruese në Komunën e Gostivarit, ku u prit nga kryetari i komunës, Valbon Limani.
Gjatë takimit, ambasadori theksoi mbështetjen e vazhdueshme të Italisë për Maqedoninë e Veriut dhe interesin për të nxitur mësimin e gjuhës italiane në shkollat lokale, si një urë lidhëse mes dy vendeve.
Palminteri vlerësoi gjithashtu kontributin e qytetarëve të komunës që jetojnë në Itali, duke theksuar rolin e tyre në zhvillimin ekonomik, sportiv dhe kulturor.
Kryetari Limani shprehu mirënjohjen për vizitën dhe mbështetjen e shtetit italian, duke informuar ambasadorin për zhvillimet e fundit në komunë dhe sfidat e administratës lokale.
Takimi u konsiderua si një hap i rëndësishëm drejt thellimit të bashkëpunimit ndërinstitucional dhe forcimit të marrëdhënieve miqësore mes dy vendeve.


