Farat e kungullit janë shumë ushqyese dhe mund të sjellin një sërë përfitimesh për shëndetin — përfshirë përmirësimin e pjellorisë, shëndetit të zemrës dhe kontrollit të nivelit të sheqerit në gjak.
Farat e kungullit përmbajnë shumë antioksidantë si flavonoide dhe acide fenolike, si edhe sasi të vogla të vitaminës E dhe karotenoideve.
Mund të ulin rrezikun e disa llojeve të kancerit
Studime të tjera sugjerojnë se lignanet (përbërje natyrale që gjenden në këto fara) mund të ndihmojnë në parandalimin dhe trajtimin e kancerit të gjirit.
Përmirësojnë shëndetin e prostatës dhe fshikëzës
Farat e kungullit mund të ndihmojnë në lehtësimin e simptomave të zmadhimit të prostatës (BPH) – një gjendje që shkakton vështirësi në urinim.
Në një studim të vitit 2021, përdorimi i vajit të farës së kungullit uli simptomat dhe përmirësoi cilësinë e jetës tek personat me këtë problem. Edhe pse nuk ishte aq efektiv sa ilaçet, kishte më pak efekte anësore.
Studime të tjera sugjerojnë se farat e kungullit mund të ndihmojnë edhe në rastet e fshikëzës hiperaktive. Një studim i mëparshëm tregoi se marrja e 10 g ekstrakt vaji farash kungulli në ditë përmirësoi funksionin urinar.
Farat e kungullit janë ndër burimet më të mira natyrale të magnezit, një mineral që shpesh mungon në dietat moderne.
Magnezi është i nevojshëm për më shumë se 600 procese kimike në trup, përfshirë:
Uljen e rrezikut të sëmundjeve të zemrës;
Ndërtimin e kockave të forta;
Mund të ndihmojnë zemrën
Falë përmbajtjes së lartë të antioksidantëve, magnezit, zinkut dhe yndyrnave të pangopura, farat e kungullit ndihmojnë në ruajtjen e shëndetit të zemrës.
Një studim 12-javor me gra pas menopauzës tregoi se suplementet me vaj farash kungulli ulën tensionin diastolik me 7% dhe rritën HDL-në me 16%.
Kjo lidhet edhe me aftësinë e trupit për të prodhuar më shumë oksid nitrik, një substancë që zgjeron enët e gjakut dhe përmirëson qarkullimin.
Një studim tregoi se njerëzit që konsumuan vakte me rreth 65 gram fara kungulli kishin nivele më të ulëta sheqeri pas një vakti të pasur me karbohidrate.
Kjo lidhet me përmbajtjen e lartë të magnezit, që ndihmon në kontrollin e sheqerit në gjak.
Megjithatë, nevojiten më shumë kërkime për ta konfirmuar këtë efekt.
Të pasura me fibra
Një dietë e pasur me fibra është gjithashtu e lidhur me një rrezik më të ulët për sëmundjet e zemrës, diabetin e tipit 2 dhe obezitetin.
Mund të ndihmojnë në gjumë më të mirë
Ato përmbajnë triptophan, një aminoacid që ndihmon në prodhimin e serotoninës dhe melatoninës – hormone që rregullojnë gjumin.
Një studim i vitit 2014 sugjeron se konsumimi i të paktën 1 gram triptophan në ditë mund të përmirësojë cilësinë e gjumit.
Të lehta për t’u përfshirë në dietë
Farat e kungullit janë shumë të lehta për t’u shtuar në ushqimin e përditshëm.
Ato mund të shtohen në smoothie, kos, sallata, supa, drithëra apo madje edhe në bukë dhe ëmbëlsira.
Megjithatë, si shumica e farave dhe arrave, ato përmbajnë acid fitik, i cili mund të ulë përthithjen e disa lëndëve ushqyese.
Nëse i konsumoni shpesh, mund t’i lini në ujë ose t’i mbini për të ulur përmbajtjen e acidit fitik dhe për t’i bërë më të lehta për t’u tretur.
