Presidenti i Ukrainës, Volodymyr Zelensky, ka bërë thirrje për krijimin e një “ushtrie të Evropës” për t’u mbrojtur nga Rusia, pasi ai sugjeroi se SHBA mund të mos i vijë më në ndihmë kontinentit.
Duke folur në Konferencën e Sigurisë në Mynih, ai tha gjithashtu se Ukraina “nuk do të pranonte kurrë marrëveshjet e bëra pas shpine pa përfshirjen e saj” pasi presidenti i SHBA-së, Donald Trump dhe ai rus Vladimir Putin ranë dakord për të filluar bisedimet e paqes.
Në një fjalim të premten, nënpresidenti i SHBA-së, JD Vance paralajmëroi se Evropa duhet të “përparojë në një mënyrë të madhe” në mbrojtje.
Zelensky tha: “Unë me të vërtetë besoj se ka ardhur koha – forcat e armatosura të Evropës duhet të krijohen.”
Ai tha: “Dje këtu në Mynih, nënpresidenti i SHBA-së e bëri të qartë [se] dekada të marrëdhënieve të vjetra midis Evropës dhe Amerikës po marrin fund.
“Që tani e tutje gjërat do të jenë ndryshe dhe Evropa duhet të përshtatet me këtë”, raporton BBC përcjell Dukagjini.
