Ukraina ka akuzuar Rusinë se po zhvillon një mjeti të Inteligjencës Artificiale që lejon Moskën të ndërhyjë në zgjedhjet perëndimore duke përhapur dezinformata.
Këshilltari i sigurisë kombëtare i Ukrainës, Oleksiy Danilov, tha se mjetet e AI kanë lejuar Rusinë të shtyjë fushatat e saj të dezinformimit dhe se Kremlini ka investuar shumë në këtë teknologji.
Danilov tha se vetëm ‘dy ose tre’ agjentë kishin aftësinë për të krijuar ‘dhjetëra mijëra’ llogari në dukje reale, por të rreme, të mediave sociale në Telegram, Facebook, Tëitter dhe Instagram. Ai shtoi se operacionet e spiunazhit të Rusisë kundër Ukrainës tani po përhapin deri në 166 milionë postime dezinformuese në platformat e mediave sociale çdo javë.
Nga kjo shifër, 36 milionë kishin për qëllim diskreditimin e zyrtarëve të lartë ukrainas, 23.5 milionë u përpoqën të mbillnin mosfunksionim politik dhe ushtarak, 51 milionë u përpoqën të demoralizonin ushtrinë dhe 55 milionë të tjerë u përpoqën të demoralizonin publikun sipas tij.
Ai shtoi se spiunët rusë po përpiqeshin gjithashtu të dëmtonin aftësinë e Ukrainës për të mbledhur ndihmë thelbësore ushtarake nga partnerët perëndimorë.
