07 Korrik 2026, 16:58
Komisioni Qendror i Zgjedhjeve do të mbajë të mërkurën, më 8 korrik, duke filluar nga ora 11:00, mbledhjen e radhës, në të cilën pritet të certifikohen rezultatet përfundimtare të zgjedhjeve të parakohshme për Kuvendin e Republikës së Kosovës, të mbajtura më 7 qershor.
Kjo për Dukagjinin u bë e ditur nga zëdhënësi i KQZ-së, Valmir Elezi, i cili ka njoftuar se certifikimi i rezultateve është pika kryesore e rendit të ditës.
Sipas Elezit, mbledhja është caktuar pasi Gjykata Supreme ka vendosur lidhur me ankesat e paraqitura në këtë institucion në procesin paszgjedhor.
Me certifikimin e rezultateve përfundimtare nga KQZ-ja përmbyllet zyrtarisht procesi zgjedhor i zgjedhjeve të parakohshme parlamentare të 7 qershorit.
