Ish-Zonja e Parë e SHBA-së, Michelle Obama, ka ndarë detaje të rralla për fillimet e historisë së saj të dashurisë me bashkëshortin Barack Obama, duke kujtuar kohën kur ai jetonte në një apartament modest me qira dhe të dy sapo kishin nisur lidhjen e tyre.
Në një intervistë për revistën People, Michelle tregoi se kujtimet më të bukura të asaj periudhe lidhen pikërisht me momentet e thjeshta që kalonin së bashku.
Netët e së shtunës ishin të çmendura. Ai ka shkruar edhe për puthjen tonë të parë që ndodhi aty
-tha Michelle, duke iu referuar apartamentit të vogël ku Barack jetonte në atë kohë.
Edhe ish-presidenti amerikan Barack Obama foli në të njëjtën intervistë, duke zbuluar se e kuptoi shumë shpejt se Michelle ishte personi i duhur për të.
Pothuajse menjëherë e kuptova se ajo ishte një grua e veçantë, me integritet, karakter, inteligjencë dhe vlera që do të më bënin një njeri më të mirë. Vetëm fakti që isha pranë saj më bëri më të mirë dhe ajo vazhdon ta bëjë këtë edhe sot. Besoja se ajo do t’u jepte fëmijëve tanë një bazë të fortë për jetën dhe kjo ndodhi vërtet
-u shpreh ai.
Michelle rrëfeu gjithashtu se Barack luajti një rol të rëndësishëm në mënyrën se si ajo e shihte të ardhmen e saj profesionale dhe personale.
Ai më bëri të mendoj më gjerë se çfarë mund të bëja me diplomën time në drejtësi nga Harvardi, përveçse të isha avokate. Ai më dha guxim. Më tha se do të kujdesej për mua dhe se, pavarësisht sa e vështirë do të ishte rruga me ngritje e ulje, ai do të ishte gjithmonë pranë meje
-tha Michelle.
Çifti Obama, i cili është i martuar prej më shumë se tre dekadash, vazhdon të konsiderohet si një nga çiftet më të dashura dhe më frymëzuese në politikën dhe jetën publike amerikane.
Rrëfimet e tyre të fundit kanë prekur shumë fansa, duke treguar se historia e tyre e dashurisë nisi larg luksit dhe famës, në një apartament të vogël dhe me ëndrra të mëdha për të ardhmen.
