Pas ditëve romantike të kaluara në Itali, Dua Lipa dhe bashkëshorti i saj, Callum Turner, i kanë dhënë fund muajit të mjaltit, duke u fotografuar teksa largoheshin nga hoteli i tyre në Romë për t’u nisur drejt aeroportit.
Çifti, që prej javësh ka qenë në qendër të vëmendjes së mediave ndërkombëtare, kaloi disa ditë mes peizazheve mahnitëse të Bregut të Amalfit dhe rrugëve historike të kryeqytetit italian, duke shijuar momentet e para si të sapomartuar.
Këngëtarja shqiptare tërhoqi vëmendjen me stilin e saj veror dhe elegant. Ajo u shfaq e veshur me një jelek të bardhë, xhinse me bel të ulët dhe një shall blu të lidhur në kokë, ndërsa pamjen e kompletoi me bizhuteri të arta dhe një çantë luksoze Chanel.
Nga ana tjetër, Callum Turner kishte zgjedhur një veshje të thjeshtë verore dhe u fotografua teksa drejtonte një Porsche 911 Turbo S Cabriolet, automjeti luksoz me vlerë rreth 200 mijë funte, ose afërsisht 235 mijë euro.
Pak ditë më parë, çifti kurorëzoi dashurinë e tyre me një ceremoni madhështore në Palermo të Siçilisë. Sipas raportimeve të mediave ndërkombëtare, festimet e dasmës kanë kushtuar rreth 1.5 milionë funte dhe kanë mbledhur disa prej emrave më të njohur të industrisë së muzikës dhe modës.
Mes të ftuarve VIP ishin Elton John, Charli XCX dhe Donatella Versace, të cilët iu bashkuan çiftit në një festë që zgjati deri në orët e para të mëngjesit.
Gjatë fundjavës, Dua Lipa ndau me ndjekësit e saj edhe fotografitë e para nga ceremonia, të cilat i shoqëroi me mbishkrimin e shkurtër, por domethënës: “Z. dhe Znj.”.
Në imazhet e publikuara, artistja shqiptare shkëlqente me një fustan elegant Chanel, ndërsa atmosfera e mbrëmjes u pasurua me muzikë, vallëzim dhe fishekzjarre spektakolare.
Pas dasmës përrallore dhe muajit të mjaltit në Itali, fansat tashmë presin të shohin se cili do të jetë kapitulli i radhës për një nga çiftet më të përfolura të momentit në botën e showbiz-it.
