Për të dytën natë radhazi, qytete të ndryshme në Irlandën e Veriut janë përfshirë nga protesta të dhunshme.
Policia përdori topa uji për të shpërndarë turmat në Belfast, ku tubuesit dogjën automjete, ngritën barrikada dhe hodhën tulla e bomba molotov ndaj forcave të rendit.
Tensione u raportuan gjithashtu në qytetet e Derry dhe Coleraine.
Protestat erdhën pas një sulmi të rëndë me thikë ndaj një banori vendas, për të cilin është akuzuar dhe arrestuar një shtetas sudanez.
Sipas policisë dhe qeverisë këto janë protesta anti-emigracion që në shumë raste janë shndërruar në sulme me motive racore kundër komuniteteve të emigrantëve dhe pakicave etnike.
Politikanët dhe autoritetet kanë dënuar dhunën dhe kanë bërë thirrje për qetësi.
Ndërkohë familja e viktimës ka reaguar publikisht duke kërkuar që ngjarja të mos përdoret për të nxitur urrejtje ose përçarje dhe ka bërë thirrje që çdo protestë të mbetet paqësore.
Megjithatë, grupe burrash dhe të rinjsh me kapuçë u vunë flakën shtëpive, një autobusi dhe automjeteve, kryesisht në Belfast, duke i detyruar familjet e emigrantëve të largoheshin nga shtëpitë e tyre.
