Kim Kardashian ka tërhequr vëmendjen në Monako me një paraqitje plot stil dhe luks, teksa ka mbërritur për të mbështetur partnerin e saj, pilotin e Formula 1, Lewis Hamilton, gjatë fundjavës së Çmimit të Madh të Monakos.
Ylli i reality show-ve u fotografua duke lundruar me varkë në brigjet e principatës së famshme, e shoqëruar nga motra e saj, Khloe Kardashian, dhe disa mike të afërta.
Për këtë dalje, Kim zgjodhi një kombinim elegant me një xhaketë të shkurtër prej lëkure të zezë dhe pantallona të ngushta, të cilat i kombinoi me një çantë luksoze Hermès Birkin, syze të mëdha dielli dhe taka të zeza, duke konfirmuar edhe një herë reputacionin e saj si ikonë mode.
Burime pranë çiftit thonë se Kardashian ka përqafuar gjithnjë e më shumë stilin e njohur si “WAG” (wives and girlfriends of athletes), veçanërisht pas nisjes së romancës me Hamilton, një nga figurat më të famshme në botën e motorsportit.
Edhe vetë piloti britanik nuk kaloi pa u vënë re. 41-vjeçari u shfaq para mediave me një veshje rozë të zbukuruar me xixa, duke dëshmuar edhe një herë guximin e tij në modë dhe stilin e veçantë që e karakterizon.
Sipas raportimeve, Kim dhe Lewis janë në një lidhje prej rreth gjashtë muajsh dhe e bënë publike romancën e tyre në fillim të këtij viti. Që nga ai moment, ata kanë qenë vazhdimisht në qendër të vëmendjes së mediave dhe fansave.
Vëmendje të madhe kanë tërhequr edhe raportet që pretendojnë se Hamilton është parë së fundmi në shoqërinë e fëmijëve të Kim Kardashian, një zhvillim që ka nxitur spekulime se marrëdhënia mes tyre po bëhet gjithnjë e më serioze.
Burime pranë familjes Kardashian kanë bërë të ditur se piloti i Formula 1 është pritur pozitivisht nga njerëzit më të afërt të Kim-it, ndërsa romanca e tyre vazhdon të jetë një nga historitë më të komentuara të showbiz-it ndërkombëtar.
